Elordaǵa irgeles ornalasqan Arshaly aýdanynyń Jibek joly aýylynda jańa mektep-lıseıi ashyldy.
Jańa mektep bul aýylǵa kerek-aq edi. Sebebi, Astanaǵa jaqyn ornalasqan atalmysh eldimekende halyq sany jyl saıyn kóbeıip keledi. Aýyldaǵy eki mektep jetkiliksiz boldy. Jańa oqý jyly qarsańynda 300 orynǵa arnalǵan bilim ordasynyń tabaldyryǵyn 435 oqýshy attap otyr. Mektep endi eki aýysymmen jumys isteıtin bolady. Kelesi jyly «Jaıly mektep» baǵdarlamasy aıasynda aýylda taǵy da 1200 oryndyq mekteptiń qurylysy bastalady dep josparlanýda.
Jańa mektepte 20 oqý kabıneti, akt, sport zaldary, fızıka jáne hımııa pánderine arnalǵan arnaıy kabınetter, lıngofondy, kompıýterlik synyptar, oqý zaly qamtylǵan kitaphanasy bar. Qazaq jáne orys tilderinde bilim beretin eki qabatty nysannyń qurylysyna memleketten 1,7 mıllıard teńgeden astam qarjy jumsaldy. Bilim oshaǵy dırektorynyń mindetin atqarýshy Gúlnár Áýbákirova mekteptiń ashylý saltanatynda jas urpaqtyń sapaly bilim men sanaly tárbıe alýlaryna jasalǵan qoldaýǵa alǵysyn bildirdi. Lıseıde 50-den astam muǵalim eńbek etpek.