Qostanaı oblysy kolledjderi men mektepteri túlekteriniń 50 paıyzdan astamy Ahmet Baıtursynuly atyndaǵy joǵary oqý ornynyń stýdenti atandy, dep jazady Egemen.kz.
Ǵylym jáne joǵary bilim mınıstrliginiń baspasóz qyzmetiniń málimetinshe, 1 qyrkúıekte saltanatty jaǵdaıda alǵash ret atalǵan ýnıversıtettiń tabaldyryǵyn attaǵan 2600 stýdenttiń arasynda «Altyn belgi» ıegerleri, olımpıadalardyń jeńimpazdary, sporttyq jarystardyń júldegerleri, memlekettik grant ıegerleri jáne «Serpin» memlekettik baǵdarlamasy boıynsha oqıtyn stýdentter bar.
Geografııalyq turǵyda aıta ketsek, munda elimizdiń túkpir-túkpirinen stýdentter oqıdy. Sonymen qosa, Baitursynov university-nde jaqyn jáne alys shetelderdiń 7 elinen - Reseı, О́zbekstan, Tájikstan, Ázerbaıjan, Grýzııa, Úndistan, Germanııa, Nıgerııa elderinen stýdentter bilim alady.
Jyl boıy ýnıversıtet ujymy qabyldaý naýqanymen belsendi aınalysyp, talapkerlermen tikeleı kezdesýler, tikeleı efırler ótkizgen. Nátıjesinde ótken jylmen salystyrǵanda talapkerler men stýdentterdiń sany 20%-ǵa kóbeıgen.
Ýnıversıtet ujymy aldyna jańa maqsattar men mindetter qoıyp otyr. Eń bastysy - suranysqa ıe mamandardy daıarlaý sapasynyń joǵary deńgeıin qamtamasyz etý.