Qaraǵandy oblysyndaǵy «Qazaqstan» shahtasynda 17 tamyzda oryn alǵan apatqa baılanysty kómir óndirý jáne taý-ken qazbalaryn uńǵylaý jumystary belgisiz merzimge toqtatyldy. 600-ge jýyq jumysshy basqa shahtalarǵa jumysqa ornalastyryldy. Bul týraly kómir óndirýshilerdiń «Qorǵaý» kásipodaǵy habarlady, dep jazady Egemen.kz.
«Qazirgi ýaqytta shahtada jóndeý jumystary júrgizilip jatyr. Negizgi jumystardy toqtata turýǵa baılanysty bosap qalǵan 600-ge jýyq jumysshy kómir departamentiniń basqa shahtalaryna jumysqa ornalastyryldy. «Qorǵaý» kómir óndirýshiler kásipodaǵy «ArselorMıttal Temirtaý» AQ kompanııasynyń basshylyǵymen jumysyn aýystyrǵan qyzmetkerlerge aqy oryndaǵan jumys kólemine qaraı tóleýge, onda da ortasha jalaqydan tómen bolmaýǵa ýaǵdalasty», delingen aqparatta.
Eske salaıyk, 17 tamyzda «ArselorMıttal Temirtaý» AQ-ǵa tıesili «Qazaqstan» shahtasynda apat bolyp, 5 kenshi kóz jumǵan edi.