Bıyl 29 tamyzda kórnekti jazýshy, jýrnalıst Kemel Toqaevtyń týǵanyna 100 jyl tolýyna oraı «Zamandas syry» respýblıkalyq respýblıkalyq stýdentter, magıstranttar, PhD-doktoranttar arasynda baıqaý jarııalanǵany belgili.
Qalamgerdiń ómiri men shyǵarmashylyǵyna arnalǵan baıqaý Erejesine sáıkes stýdentter, magıstranttar, PhD-doktoranttar, jas ǵalymdar quqyqtyq, etıkalyq taqyryptardaǵy jýrnalıstik zertteýlerdi, detektıv janryna arnalǵan ǵylymı men shyǵarmashylyq jumystaryn joldaı alady. Baıqaý jumystary bıyl 29 qyrkúıekke deıin qabyldanatyn bolady.
Baıqaý tómendegi nomınasııalar boıynsha ótedi:
Detektıv janryndaǵy jýrnalıstik zertteý; Jazýshynyń ádebı murasyna arnalǵan ǵylymı-zertteý jumysy; Quqyqtyq/etıkalyq taqyrypta jarııalanǵan reportaj.Baıqaý uıymdastyrýshylarynyń talaby boıynsha, jýrnalıstıkanyń etıkalyq normalary men avtorlyq quqyqtaryn buzatyn týyndylar jiberilmeıdi. Baıqaý talaptaryna saı qabyldanǵan jumystar resenzııalanbaıdy jáne avtorǵa qaıtarylmaıdy.
Baıqaýǵa qatysýshynyń jasy 29-dan aspaýy tıis. Baıqaýǵa esh jerde jarııalanbaǵan jumystar qabyldanady. Bir avtordan bir nomınasııaǵa bir ret ótinim qabyldanady. Qazaq, orys nemese aǵylshyn tilindegi jumystar qabyldanady.Dedlaın ótkennen soń kelip túsken ótinimder baıqaýǵa qatystyrylmaıdy. Qatysýshy shyǵarmasymen birge ózi týraly shaǵyn aqparat (0,5 betten aspaýy kerek) jáne sapaly sýretin jiberýi tıis.
Baıqaý jumystary A-4 formatTA, TimesNewRoman 14-qarippen 1.0 aralyǵynda terilip, Word formatynda saqtalýy kerek.
Baıqaýǵa materıaldary zamandas.syry@gmail.com elektrondyq poshtasy arqyly qabyldanady.
Baıqaý jumysynyń elektrondy nusqasy (avtor týraly dereksiz) bólek faılmen jiberilýi tıis. Faıl ataýynda avtordyń búrkenshik esimi jáne shyǵarmanyń nomınasııasy kórsetiledi.
Irikteýden ótken ótinimder ashyqtyq qaǵıdasyna sáıkes Telegram platformasyndaǵy «Zamandas syry baıqaýy» kanalynda (https://t.me/zamandassyry) jarııalanady. Jeli qoldanýshylary jarııalanǵan materıaldarmen tanysyp, óz pikirin qaldyra alady.
Baıqaý komıssııasynyń quramynda Qazaqstan Jýrnalıster odaǵy jáne Jazýshylar odaǵynyń ókilderi, qalamgerler, qoǵam qaıratkerleri bar.
Jeńimpazdarǵa arnaıy júldelerdi ál-Farabı atyndaǵy Qazaq ulttyq ýnıversıtetiniń Jýrnalıstıka fakýlteti taǵaıyndap otyr.
Ár nomınasııa boıynsha:
1-oryn – 1 jeńimpaz 2-oryn – 1 jeńimpaz 3-oryn – 1 jeńimpaz Yntalandyrý syılyǵy – 1 jeńimpaz
ALMATY