ZAŃ JOBALARYNYŃ DAIYNDYǴY QARALDY

Keshe Parlament Májilisiniń Tóraǵasy Oral Muhamedjanovtyń jetekshiligimen palata bıýrosynyń otyrysy ótti. Elimizdiń zańdaryna azamat­tar­dy ustaý negizderi men tártibin bekitý máselelerine qatysty zań jobasyn birinshi oqylymda jáne azamattyq zańnamany jetildirýdi kózdeıtin zań joba ekinshi oqy­lym­da palata talqysyna shyǵary­latyn boldy. Keden odaǵyna qatysty birqa­tar zań jobalarynyń daıyndyǵy málim etildi. Sondaı-aq osy ba­ǵyt­taǵy zańdar quramynda “Keden odaǵynyń veterınarııalyq-sanı­ta­rııalyq sharalar jónindegi kelisi­min ratıfıkasııalaý týraly”, “Ke­den odaǵynyń ósimdikter karan­tıni týraly kelisimin ratıfı­ka­sııa­laý týraly” jáne “Keden   odaǵynyń   sanıtarııalyq   shara­lar  jónindegi kelisimin ratıfıka­sııalaý týraly” zań jobalary da bar. Sonymen qatar, jalpy oty­rys­tyń qaraýyna Qazaqstan Res­pýblıkasy  men Aýǵanstan Islam Res­pýblıkasynyń Úkimetteri ara­syndaǵy bilim berý salasyndaǵy yntymaqtastyq týraly kelisimdi bekitýdi kózdeıtin zań jobasy usynyldy. Bıýro otyrysynda keıbir zań­namalyq aktilerge kólik máse­le­le­rin retteıtin zań jobasyn ekinshi oqylymda talqyǵa salýǵa bolaty­ny málim etildi. “Egemen-aqparat”.