Jas ustazdar forýmy

Bıylǵy forýmnyń bas­ty ereksheligi – aýylda tabys­ty eńbek etip júrgen jas pedagog­ter­diń bas qosýy. Olardyń bári aýyldaǵy bilim berýdiń áleýe­tin damytý aıasyndaǵy joba­ǵa qaty­syp jatqan tirek mek­tepter­de ju­mys isteıdi. Bilim berý jó­nin­­degi jahandyq komıssııanyń Azııa haby boıynsha komıssary Kúlásh Shámshıdınovanyń aı­týynsha, aýyl mektebinde jumys isteý – abyroıly mindet. Al «Jas ustaz» baǵdarlamasy kásibı damýdyń jańa kezeńine joldama berip otyr.

Oqý-aǵartý mınıstri Ǵanı Beısembaev forýmǵa kelgen jas ustazdarmen beıresmı kezdesý ótkizip, erkin pikir almasty. Ol muǵalim mártebeli mamandyq ekenin atap ótti. Sondaı-aq mı­nıstrliktiń aýyldaǵy jas mu­ǵalimderge arnalǵan «Bolashaq» taǵylymdama baǵdarlamasy týraly aıtyp berdi. Buǵan qosa shalǵaı eldi mekenderdegi muǵa­lim­derge halyqaralyq platformalarda jumys isteýge jaǵdaı jasalatynyn jetkizdi. Bıyldan bastap aýyl mektepteri men sha­ǵyn jınaqty bilim berý uıym­daryn qoldaý boıynsha qanat­qaqty joba iske qosylmaq.

Sonymen qatar «Nazarbaev zııatkerlik mektepteri» derbes bilim berý uıymynyń basqarma tóraǵasy Ánýar Janǵozın de jas áriptesterine qarata salmaqty oı qozǵap, muǵalimderdiń ynta-ji­geri joǵary bolsa, soǵurlym oń nátıjege qol jetkize alatynyn aıtty. Sóziniń sońyn «Ynta bolsa adamda, qıyn is joq ǵalamda» degen maqalmen túıindedi.

Forýmnyń ekinshi kúni de maz­mundy tanymdyq is-shara­lar­men bastaldy. «Aitas KZ» hol­dınginiń bas dırektory, Bilim berý­di turaqty damytý qo­ry­nyń negizin qalaýshy Se­rik To­lyqpaev pen «Qazaqstan Team» res­pýblıkalyq qoǵamdyq birles­tiginiń jetekshisi Oljas Sú­leı­menov tabysqa jetýdegi óz tá­jirı­belerimen bólisti. Sondaı-aq forým delegattary sýda júzý­den halyqaralyq dárejedegi sport sheberi, jasóspirimder arasyn­daǵy alǵashqy Azııa paralımpıada oıyndarynyń júl­de­geri Azamat Orazbekpen, ǵa­lym-zertteýshi, «Mbionics» kom­pa­nııasynyń negizin qalaýshy Máý­len Bekturǵanovpen, boks­tan halyqaralyq dárejedegi sport sheberi, halyqaralyq ja­rystardyń jeńimpazy Muhıt Amantaevpen júzdesip, pikirlesti.

Jıynda jas ustazdardyń kásibı sheberligin shyńdaý ba­ǵytynda tıimdi josparlaý, fýnk­­sıonaldyq saýattylyqty qa­lyptastyrý, emosıonaldy ıntel­lektini damytý, muǵalim jumy­syndaǵy zertteýler, oqytý­da­­ǵy saralaý jáne baǵalaý ta­qy­­ryptaryna qurylǵan alań­dar jumys istedi. Máselen, «Muǵalim jumysyndaǵy zert­teý­ler» taqyryby kıiz úı­men ushtastyryldy. Qatysý­shy­lar sonyń úlgisinde zertteý sabaǵynyń josparyn quras­tyr­dy.­ Shuǵyla Qalıhanova men Kúnsaıa О́teshevanyń sheberlik sabaǵynda jas muǵalimder zertteý jumysyn daıyndaý úderisimen tanysty. «Fýnksıonaldyq saýat­tylyqty arttyrý» taqy­ryby alańynyń bapkerleri Qa­lamqas Ábdikárimova men Tal­ǵat Mýkýtovtyń pikirinshe, peda­gogtiń basty maqsaty – bilim­di tájirıbede emes, ómirde qol­da­nýy. Búginde fýnksıonaldyq saýat­tylyq anyqtamasyna daǵ­dy men tájirıbe, taldaý jáne tú­siný, standartty emes ómirlik jaǵdaılar men synı turǵydan oı­laý uǵymdary kiredi.

Mazmundy is-shara «Sáttilik­ke ıe bol!» biregeı lotereıasymen qorytyndylandy. Biregeıligi sol, barlyq jeńimpazǵa Pedagogı­kalyq sheberlik ortalyǵynan vebınarlarǵa sertıfıkattar men elimizdegi muǵalimder armandaıtyn «Lesson box» qorapshasy tabys etildi.

Búgingi tańda Pedagogıkalyq sheberlik ortalyǵy eńbek jolyn­ endi bastaǵan muǵalimderdiń kási­bı damýy boıynsha aýqymdy jo­bany jalǵastyryp otyr. Ortalyqtyń online.cpm.kz plat­­for­masynda «Jas ustaz mek­tebi» atty ashyq onlaın-kýr­s ázirlenip, ár óńirde «Ja­sampaz jas ustaz» klýbtary qu­ryl­dy. «Shamshyraq» alańy arqyly úzdik jas pedagogterdiń tájirıbesi taratylady. «Bul forým jas áriptesterimizdiń ár mek­teptiń strategııalyq resýrsy eke­nin dáleldedi. Olar qazir­gi tańdaǵy bilim berýge jańa ıdeıa­lar men jańa sheshimderdi engi­zedi, balaǵa qolaıly atmosfera men sıfrlyq bilim berý ortasyn­ qalyptastyrady. Sonymen qa­tar forým tabysqa jetý jolyn­da eń kreatıvti jáne tabys­ty mu­ǵalimderdi biriktiredi», dedi Pe­dagogıkalyq sheberlik orta­lyǵynyń dırektory Janbota Qabdykárimova.

Aıta keteıik, bul forým byltyr elordada alǵash ótip, onyń jalǵasy barlyq óńirdegi aımaq­tyq jıyndarǵa ulasqan edi.