Basty baǵyt – ınfraqurylymdy damytý

Eń bir eskerilmeı kele jatqan kúrmeýli máselelerge sý, energııa tapshylyǵy, ınfraqurylymdy damytý syndy túıtkilder saýatty bir sheshimin kútip turǵany jalpyǵa aıan. Budan bólek, bıýd­jettik qatynastardy ret­teý de bar.

Sý sharýashylyǵymen aınalysatyn jeke salalyq mınıstrliktiń qurylýy ma­ǵan erekshe áser qaldyrdy. Bıylǵy jazdaǵy qýańshylyq is júzinde kóp túıtkildiń betin ashty. Bizdińshe bul jańa qurylym ulan dalamyzdy sýmen qamtý, tutastaı alǵanda sýdy únemdeýge de ıgi yq­palyn tıgizedi dep oılaýǵa bolady.

Sýdan keıingi mańyz­dy­sy – jol sapasy. Jol jaıly bolýy úshin standart qabyldanýy túsinik­ti. Jol qaýipsizdigi ekonomı­ka­myz­dyń órkendeýine birden-bir faktor.

Endigi bir oılanarlyq jaıt. Atom stansasyn salý ne salmaý saýaly qazir bá­ri­mizdiń aldymyzda kese kóldeneń tur. Semeı zardabynan soń bul bizdiń júı­ke­miz­de de, júregimizde de qara daq bolyp qalyp qoıǵan. Ja­ponııadaǵy jarylystardy alalyq. Chernobyldegi apat. Joıqyn jarylystar sal­daryn buqara áli kúnge deıin tartyp keledi. Bul ta­qy­rypqa oralmaq túgili, aıtýdyń ózi sanamyzǵa sarsań men úreı uıalatady. Osyndaı kúrdeli saýaldy halyqtyń enshisine qaldyrýdyń ózi el­diń bolashaǵyna degen tereń senimniń kórinisi dep baǵam­dar­lyq. Atom energetıkasy Qazaqstanǵa qajet! Bul meniń jeke pikirim. Osy arada sala­lyq mamandardyń daıarlanýy degen dúnıe qylańy­ta­dy. Kimniń tehnologııasyn alamyz? Eýropanyń damyǵan qaýipsiz tehnologııasyn en­gizý­diń ómirlik máni bar. Re­fe­rendým – osy suraqtyń ór­kenıetti jaýaby.

Jergilikti basqarýdy ári qaraı damytý. Aýdan jáne qala ákimderiniń saılaýy. Ár aımaq basshysy ja­ýap­kershilikti alýy úshin qazy­nalyq derbestigi bolýy shart. Korparatıvtik salyq. Qo­syl­ǵan qun salyǵy. Bıýd­jet­ara­lyq qoǵalystyń qo­la­ıyn jaǵatyn amaldar mu­nyń bári. Túptep kelgen­de qar­jy­lyq saıasattyń ońtaı­lan­ýy ár aı­maq­tyń erkin damýyna tyń múm­kindik.

Serikjan BAIBOSYNOV,

Prezıdent janyndaǵy memlekettik basqarý akademııasy

Qaraǵandy oblysy  fılıalynyń dırektory