Besinshi orynnan asa almadyq

Bizdiń burymdylar klýbtyq deń­geıdegi jarystarda tabys­ty óner kórsetip júrgenin jan­kúıer­ler jaqsy biledi. Ár jyldary Almatynyń «Rahaty» (2004, 2007 jyldary), О́skemen­niń «Altaıy» (2021) men Pet­ro­pavldyń «Qýany­shy» (2022) Azııanyń klýbtyq chempıonatynda bas júldeni oljalaǵany joǵaryda aıtylǵan sózimizdiń aıqyn dáleli. Odan bólek, Tal­dyqorǵannyń «Jetisýy» eki márte (2010, 2013) jáne «Altaı» bir ret (2022) fınalda utylyp, kúmis medaldy ıelendi. Qolaǵa qol sozǵandardyń sanatynda «Rahat» (2002) pen «Jetisý» (2011, 2014) bar. Sary qurlyqtyń kil myqtylary jınalǵan dúbirli dodada osynshama júlde alý, árıne, az olja emes.

Al Qazaqstannyń ulttyq qura­masy óz tarıhynda tek bir ret ol­jaǵa keneldi. Atap aıtsaq, 2005 jyly Qytaıdyń Taısan qalasyn­da jalaýy jelbiregen jarysta jerlesterimiz óz tobynda ekinshi oryn aldy. Bizdiń qyzdar alǵashqy tórt oıynda Taıland (3:0), Gonkong (3:0), Fılıppın (3:1) jáne Soltústik Koreıany (3:2) utqanymen, sońǵy týrda Qytaı eliniń ókilderine (0:3) jol berdi. Shırek fınalda Taıpeıdi (3:1) tize búktirdi. Jartylaı fınalda Japonııamen jolymyz qıysty. Asa shıelenisti ótken oıynda Vıacheslav Shaprannyń shákirtteri 3:2 esebimen qarsylas­tarynyń ýysynan jeńisti julyp áketti. О́kinishke qaraı, fınalda qaıta Qytaıǵa (0:3) ese jiberdi. Nátıjesinde, Qazaqstannyń vo­leı­bolshylary kúmispen kúp­tel­di. Sodan beri baqandaı 18 jyl ótti. Biraq Taısandaǵy kórset­kishti áli de qaıtalaı almaı kelemiz.

Jalpy, Azııa chempıonaty 1975 jyl­dan beri úzdiksiz uıym­das­ty­­rylyp keledi. Osyǵan deıin atal­ǵan jarystyń jalaýy 20 már­te jelbiredi. Sol aralyqta molynan oljaǵa kenelgen Qytaı quramasy. Qytaı eliniń oıynshylary 13 ret altynnan alqa taqty. Bas júldeniń beseýi Japonııanyń qyzdaryna buıyrdy. Taıland eki ret jeńis tuǵy­rynyń eń bıik satysyna kóterildi. Joǵaryda atalǵan memleketterden bólek, Ońtústik Koreıany da atap ótsek, esh aıyby joq. Olardyń qorjy­nynda 7 kúmis pen 10 qola medal bar. Oǵan Qazaqstannyń bir kúmisin qosyńyzdar. Iаǵnı atalǵan jarystyń tarıhynda nebári bes memlekettiń ókilderine ǵana júlde alý baqyty buıyrǵan eken.

Osynyń aldyndaǵy Azııa chempıonaty 2019 jyly Ońtústik Koreıanyń astanasy – Seýlde ótti. Ol kezde de Qazaqstannyń burymdylary besinshi oryndy qanaǵat tutty. Birinshi kezeńniń toptyq týrnırinde Aýstralııa (3:0) men Úndistandy (3:1) utyp, Japonııaǵa (0:3) jol berdi. Ekinshi kezeńde Qytaı (0:3) men Japonııadan (0:3) jeńilip, Indo­nezııany (3:0) utty. Besinshi oryn úshin básekede Taıpeıdi (3:1) sú­rindirdi. Seýldegi jarysta bas júl­deni Japonııa oljalady. Fınalda japondar Taılandtan basym tússe, koreıalyqtar qola medaldy moıyndarynda jar­qyratty. Al ataǵy jer jarǵan Qytaı voleıbolshylary tórtinshi orynda qalyp qoıdy.