Orta salmaqta WBO tujyrymy boıynsha chempıondyq belbeýdiń ıegeri Jánibek Álimhanuly (14-0, 9 KO) ekinshi orta salmaqta álemniń absolıýtti chempıony degen ataǵy bar Saýl Kanelo Alvaresti (59-2-2, 39 KO) jekpe-jekke shaqyratynyn, biraq meksıkalyq boksshy syrǵaqtap júrgenin baıqaǵanyn aıtty, dep habarlaıdy Egemen.kz.
ES News arnasyna bergen suhbatynda Jánibek Kanelonyń syrǵaqtaýyn qashýdyń amaly ekenin málimdedi.
«Qoryqannan keıin túrli syltaýdy sóz etip júr. Ol jekpe-jekke shyǵýǵa kelisim berip, rıngte toqaılassaq men ony 1-raýndta-aq sulatamyn. Qazaq boksynyń stılin álem aldynda pash etip, tarıhta qaldyrýǵa kúsh salyp kelemiz, biz soǵan jetemiz. Saýl Alvareske aıtarym, qashqaqtamaı jekpe-jek ótkizýge kelisim bersin, bizdiń bokstyń dámin kórsin», dedi Jánibek Álimhanuly.