Parıjde ótetin Olımpıadaǵa daıyndyq aıasynda Qazaqstan qurama komandalary 80-nen astam álemdik reıtıngtik týrnırlerge qatysady. Lısenzııalaý kezeńi Olımpıadanyń bastalýyna bir aı qalǵanda aıaqtalady, dep habarlaıdy Egemen.kz.
Týrızm jáne sport mınıstrliginiń málimetinshe, atalǵan jarystardyń qorytyndysy boıynsha sportshylarymyz Parıj Olımpıadasyna 100-ge jýyq joldama alýdy josparlap otyr.
Sport jáne dene shynyqtyrý isteri komıtetiniń tóraǵasy Erbol Myrzabosynovtyń aıtýynsha, Qazaqstan komandasyn Parıj olımpıadasyna daıyndaý úshin vedomstvo Ulttyq quramanyń jumysyn uıymdastyrýǵa arnalǵan jedel shtab qurǵan, sondaı-aq jazǵy sport túrleri boıynsha sportshylar men elimizdiń shtattyq qurama komandalaryn daıarlaý jáne olardyń Olımpıada – 2024-ke qatysýyn qamtamasyz etý jóninde baǵdarlama bekitken.