Irikteýdi sátti bastady

Kelesi jyly О́zbekstannyń bas shahary – Tashkentte jalaýy jelbireıtin álem chem­pıo­natynyń irikteý keze­ńin Qazaqstan quramasy ekinshi aı­­nalymnan bastady. Ol ke­zeńde Rıkarda Kaka shákirt­teri Slovenııa jáne Cherno­gorııa quramalarymen baq synasyp, óz tobynda birinshi oryn­men elıtaly kezeńde oınaý múmkindigine ıe boldy. Al álem chempıonatyna jol­dama beretin sońǵy irik­teýde jerlesterimiz jerebe qo­rytyndysy boıynsha Nı­der­land, Rýmynııa jáne Ázer­baıjan quramalarymen birge A tobyna tústi.

О́tken aptada el qu­ramasy sońǵy irikteý saty­syndaǵy alǵashqy oıynyn syrt alańda ótkizip, Nıderland fýt­zal­shylarynan basym tús­ti. Al­mere qalasynda ótken tartys­ty oıynda Qazaqstan qu­ramasy ár taımda bir-bir goldan soǵyp, irikteýdegi ma­­ńyzdy úsh upaıyna qol jet­kizdi. Alǵashqy taımda Edson esepti ashsa, ekinshi taım­da Dáý­ren Tursaǵulov tab­lodaǵy kór­setkishti eselep, oıynnyń núktesin qoıdy – 2:0.

Statıstıkaǵa kóz júgir­ter bolsaq, Qazaqstan men Nı­derland quramalary bu­ǵan deıin tek bir márte kez­desken eken. 2019 jyly álem chempıonatynyń ekinshi irik­teý kezeńinde joldary túıi­sip, sol kezde de Qazaqstan qu­­ra­­masynyń mereıi ústem bolǵan edi – 5:0.

Bizdiń toptaǵy ekinshi oıynda Rýmynııa quramasy óz alańynda Ázerbaıjan fýtzalshylaryn qabyldap, 3:1 esebimen jeńiske jetti. Sóıtip, birinshi týrdan keıin A tobynda Qazaqstan men Rýmynııa quramalary úsh upaımen kósh basyna shyqty. Alaıda rýmyndar kóp gol soǵý kórsetkishimen týrnır kestesinde Qazaqstandy ekinshi orynǵa yǵystyrdy. Endi A tobynyń qos myq­tysy 20 qyrkúıek kúni Al­matydaǵy Balýan Sholaq sport kesheninde sheberlik baıqasady. Demek elıtalyq raýndtyń ekinshi týrynan keıin A tobynda jalǵyz kósh­basshy paıda bolýy múmkin.

Irikteý saıystarynyń ere­jesi boıynsha elıtaly kezeńde baq synap jatqan Eýropanyń 20 quramasynyń tek jeteýi ǵana kelesi jylǵy álem chempıonatyna qatysa alady. Iаǵnı bes topta úz­dik shyqqan bes qurama ja­handyq dodaǵa tikeleı jol­dama alsa, ekinshi oryn al­ǵan eń úzdik tórt qurama bir-bi­rimen elek­tik oıyn ótki­zip, qalǵan eki joldamany sa­rapqa salady.