Astanada alaıaqtyq jasady degen kúdikpen turǵyn úı kompanııalarynyń basshylyǵy ustaldy, dep habarlaıdy Egemen.kz.
Bas prokýratýranyń málimetinshe, qyrkúıek aıynyń basynda qala prokýratýrasynyń nusqaýy boıynsha Polısııa departamentiniń óndirisine «R-Club» jáne «R-Club Deluxe» TÚK úleskerleriniń ujymdyq aryzy negizinde alaıaqtyq faktisi boıynsha qylmystyq is berildi.
«Úleskerlerdiń 4 mlrd teńgeden astam aqshalaı qarajaty tartylǵan, alaıda is júzinde qurylysqa 900 mln teńge jumsalǵany anyqtaldy. Qurylys salýshy 2022 jyldyń 4-shi toqsanynda aıaqtaýǵa tıis qurylysty ýaqytynda bitirmegen. Qurylys kompanııalarynyń basshylary ustalyp, olarǵa «kúzetpen ustaý» túrindegi bultartpaý sharasy qoldanyldy», dep jazylǵan vedomstvo habarlamasynda.
Atalǵan is boıynsha jedel-tergeý toby quryldy.
Qazir qylmystyń qalǵan qatysýshylary men olardyń aktıvteri anyqtalyp jatyr.