Keleshekke baǵdarlanǵan kezdesýler

BUU – beıbitshilik qorǵany

Prezıdent Qasym-Jomart Toqaev BUU Bas Assamb­leıasynyń 78-sessııasy aıasynda BUU Bas hatshysy Antonıý Gýterrıshpen kezdesý ótkiz­di. Taraptar Qazaq­stan­­nyń BUU-men jan-jaqty yn­ty­ma­qtastyǵynyń basym baǵyt­taryn, sondaı-aq qazirgi zaman­nyń ózekti syn-qaterlerin talqylady.

BUU Bas hatshysy Qazaq­stan Prezıdentine iltı­pat bildire otyryp, ekijaq­ty seriktestiktiń qarqyndy damyp kele jatqanyn atap ótti.

– Qazaqstan men BUU beıbit­shilik pen qaýipsizdikti nyǵaı­tý, Ornyqty damý maqsat­taryna qol jetkizý jáne adam quqy­ǵynyń saqtalýyn qamtamasyz etý máseleleri boıynsha ynty­maq­tas­tyqty jalǵastyra beredi. Qazaqstan – biz úshin mýltı­latera­lızmniń tiregi, jahandyq deńgeıdegi beıbitshilik qorǵany retinde basymdyqqa ıe seriktes el, – dedi Antonıý Gýterrısh.

О́z kezeginde Qasym-Jomart Toqaev Antonıý Gýterrıshtiń BUU Bas hatshysy retindegi qyzmetine joǵary baǵa berip, onyń beıbitshilikti, turaqtylyq pen qaýipsizdikti qamtamasyz etýge baǵyttalǵan is-áreketterin odan ári qoldaýǵa daıyn ekenin rastady.

Qazaqstan Prezıdenti qazirgi zamannyń eń ózekti problemalaryn sheshýde BUU aıryqsha ról atqaratynyn jáne onyń eshqandaı balamasy joq ekenin aıtty. Sondaı-aq Memleket basshysy BUU Bas hatshysy Antonıý Gýterrıshke Uıym qyzmetin odan ári jetildirý jónindegi oı-pikirin jetkizdi.

 

Qazaqstan – Iran: Kaspıı aımaǵyndaǵy dostyq ráýishi

BUU Bas Assambleıasy 78-sessııasy aıasynda Qasym-Jomart Toqaev sondaı-aq Iran Islam Respýblıkasynyń Prezıdenti Ibrahım Raısımen kelissóz júrgizdi.

Prezıdent Qazaqstannyń Kaspıı teńizi aımaǵyndaǵy strategııalyq serik­tesi retinde Iranmen ekijaqty qarym-qatynastardy nyǵaıtýǵa basa mán beretinin aıtty.

Kelissóz barysynda eki el basshylary qazaq-ıran yntymaqtastyǵynyń qazirgi jaı-kúıin jáne ózara qatynas­tardy odan ári damytý perspektıvasyn talqylady. Taraptar kólik, logıstıka jáne saýda-sattyq salalaryndaǵy yqpaldastyqty arttyrý úshin keshendi sharalar qabyldaý mańyzdy ekenin atap ótti.

– Biz vıza rásimine, sondaı-aq adamdar men bıznestiń ózara qarym-qatynasyna qatysty óte paıdaly ýaǵdalastyqtarǵa qol jetkizdik. Qazaqstan tarapy Iranmen aradaǵy yntymaqtastyqty nyǵaıtýǵa nıetti ekenin atap ótkim keledi. Eki el úkimetteri buǵan deıin Tegeranda qol jetkizgen ýaǵdalastyqtardy júzege asyrý úshin tıisti sharalar qabyldaýy qajet. Men Qazaqstanda sizben taǵy da kezdesýdi asyǵa kútemin, – dedi Qasym-Jomart Toqaev.

Memleket basshysy eki eldiń Shanhaı yntymaqtastyq uıymy jáne basqa da halyqaralyq qurylymdar aıasyndaǵy ózara yqpaldastyǵyn oń baǵalady.

О́z kezeginde Iran Prezıdenti Ibrahım Raısı Qazaqstan men Irandy dostyq pen ózara qoldaýǵa negizdelgen úlgili qatynastar baılanystyratynyn atap ótti.

– Iran men Qazaqstan arasynda óte jaqsy ekijaqty qarym-qatynas qalyp­tasqan. Mundaı joǵary deńgeıdegi serik­testik bizge ózara baılanystardy, ásirese saýda salasyndaǵy qarym-qaty­nasymyzdy odan ári damytý úshin naqty qadamdar jasaýǵa jeteleıdi. Biz baýyrlas Qazaqstanmen ekijaqty ynty­maqtastyqty keńeıtýge nıettimiz. Elderi­mizdiń áleýetteri zor jáne osy múm­kindikterdi paıdalaný bizdiń ortaq ıgiligi­mizge qyzmet etedi, – dedi Ibrahım Raısı.

Memleketter basshylary elderi­mizdiń kólik-tranzıt baılanystaryn damytý úshin zor áleýet bar ekenine nazar aýdardy. Atap aıtqanda, ózara saýda-sattyqty kúsheıtý jáne Kaspıı teńizi arqyly júk tasymaldaý úshin «Qazaqstan – Túrikmenstan – Iran» temir­jolynyń múmkindigin keńinen paı­da­laný jaǵdaıy atap ótildi. Qasym-Jomart Toqaev Bender-Abbas portynda Qazaqstannyń saýda termınalyn salý­dyń mańyzdy ekenine nazar aýdardy.

Prezıdentter belgilengen ekono­mıkalyq jospardy júzege asyrý úshin úkimetaralyq baılanystardy jandandyrýǵa ýaǵdalasty.

 

Yntymaqtastyqty jalǵastyrýǵa nıetti

Memleket basshysy Qasym-Jomart Toqaev BUU Bas Assambleıasy 78-sessııasy aıasynda Fınlıandııa Pre­zıdenti Saýlı Nıınıstıomen kezdesti.

Kelissóz barysynda Prezıdent Fınlıandııany Qazaqstannyń Soltústik Eýropa elderi arasyndaǵy eń iri saýda seriktesi jáne ınvestısııa kólemi bo­ıynsha onyń aldyńǵy orynda ekenin atap ótti. Sondaı-aq saıası, saýda-ekonomı­ka­lyq jáne ǵylymı-tehnıkalyq ynty­maq­tastyqty odan ári nyǵaıý úshin zor áleýet bar ekeni aıtyldy.

О́z kezeginde Saýlı Nıınıstıo Qazaq­stan Fınlıandııanyń asa mańyzdy seriktesi jáne ekijaqty kún tártibiniń barlyq baǵyty boıynsha ózara tıimdi yqpaldastyqty jalǵastyrýǵa daıyn ekenin málimdedi.

Taraptar halyqaralyq saıasattyń ózekti máseleleri, sonyń ishinde BUU-ny reformalaý jóninde de pikir almasty.

Memleket basshysy Fınlıandııa Prezı­dentin kelesi jyly ótetin Astana halyq­aralyq forýmynyń negizgi spı­kerleriniń biri retinde Qazaqstanǵa shaqyrdy.

 

Kópjaqty qatynastardy qarastyrdy

Qasym-Jomart Toqaev BUU Bas Assambleıasynyń 78-sessııasy aıasynda Estonııa Prezıdenti Alar Karıspen de kelissóz júrgizdi. Kezdesý barysynda eki memlekettiń túrli saladaǵy yntymaqtastyǵyn nyǵaıtý perspektıvalary talqylandy.

Qasym-Jomart Toqaev estonııalyq áriptesine Qazaqstanda júrgizilip jatqan aýqymdy áleýmettik-ekonomıkalyq ózge­ris­ter, sonyń ishinde shetelden ınvestısııa tartýǵa jáne ınvestorlardy qorǵaýǵa ba­ǵyt­talǵan sharalar jóninde málimet berdi.

Taraptar ózara ortaq múddeni kózdeı­tin salalardaǵy yntymaqtastyqty odan ári nyǵaıtýǵa nıetti ekenin rastady jáne bir-birin óz elderine arnaıy saparmen kelýge shaqyrdy.

Sonymen qatar prezıdentter halyq­aralyq kún tártibindegi ózekti máselelerdi jáne BUU, Eýropalyq odaq, EQYU aıasyndaǵy kópjaqty qaty­nas­tardy qarastyrdy.

 

Shyǵys Eýropadaǵy jetekshi saýda seriktesi

Qasym-Jomart Toqaev BUU Bas Assambleıasynyń 78-sessııasy aıasynda Rýmynııa Prezıdenti Klaýs Iohannıspen kezdesti.

Memleket basshysy Qazaqstan men Rýmynııa arasyndaǵy saýda-ekonomı­kalyq baılanystardyń qarqyndy damyp kele jatqanyn atap ótti. Rýmynııa – Qazaq­stannyń Shyǵys Eýropadaǵy jetek­shi saýda seriktesi. Búginde ekijaq­ty saýda-sattyq kólemi 20 paıyzǵa artyp, 1,3 mıllıard dollarǵa jetti.

– Biz Rýmynııany dostas memleket retinde qarastyramyz. Sizdiń eldiń tarıhyna, júrgizip otyrǵan saıasatyńyzǵa jáne halqyńyzdyń dástúrine qurmetpen qaraımyz, – dedi Qasym-Jomart Toqaev.

Memleket basshysy saýda-ekono­mıkalyq qarym-qatynastarǵa tyń serpin berý úshin Úkimetaralyq komıssııanyń, Qazaqstan jáne Rýmynııa Iskerlik keńesiniń jumysyn jandandyrý kerek ekenin aıtty.

О́z kezeginde Klaýs Iohannıs Qazaq­stan men Rýmynııa arasyndaǵy ekijaqty yntymaqtastyqty odan ári damytýǵa nıetti ekenin jetkizdi.

– Men jáne meniń komandam búgin sizdermen osy jerde kezdeskenimiz úshin qýanyshtymyz. О́ıtkeni biz senim­di ekonomıkalyq jáne saıası serik­tes eldermiz. Osy kezdesý aldynda memle­ketteri­mizdiń ózara qarym-qatynasynyń tarıhymen tanystym. Sizben saıası dıalogti joǵary deńgeıde nyǵaıtýǵa zor múmkindik bar dep oılaımyn, – dedi Rýmynııa Prezıdenti.

Taraptar halyqaralyq kún tártibin­degi máseleler jóninde, sondaı-aq BUU jáne EQYU aıasyndaǵy ózara yqpaldastyq jaıynda pikir almasty.

Kezdesý sońynda Qasym-Jomart Toqaev Klaýs Iohannısti Astana halyq­aralyq forýmyna negizgi qonaqtardyń biri retinde qatysýǵa shaqyrdy.

 

О́zara yqpaldastyqtyń jaı-kúıi talqylandy

Memleket basshysy Chernogorııa Prezıdenti Iаkov Mılatovıchpen kelissóz júrgizdi. Kezdesý barysynda Prezıdent Qazaqstan Chernogorııany Ońtústik-Shyǵys Eýropadaǵy mańyzdy seriktes retinde qarastyratynyn atap ótti.

Qasym-Jomart Toqaev kelesi jyly Podgorısa qalasynda Qazaqstannyń Konsýldyǵyn ashý jospary týraly aıtty. Bul qadam eki el arasyndaǵy iskerlik jáne tulǵaaralyq baılanystardy damytýǵa tyń serpin beredi.

– Bizdiń elderimizdiń arasy jaqyndaı tústi. Sebebi azamattarymyz Astanadan Podgorısaǵa tikeleı áýe reısimen ushady. Jyl saıyn 40 myńnan asa adam vızasyz rejimdi paıdalanady. Qazaqstan azamattary Chernogorııaǵa eńbek demalysyn ótkizý úshin ushyp barady. Árıne, bul elderimiz arasyndaǵy gýmanıtarlyq baıl­anys pen ekonomıkalyq ynty­maqtastyqty damytýǵa tyń serpin beredi. Biz Podgorısada óz Konsýldyǵymyzdy ashýdy josparlap otyrmyz. Atalǵan salalardaǵy oń nátıjelerge, ásirese ekonomıkalyq yntymaqtastyqtaǵy jetistikterge qaraı sizdiń elińizde elshiligimizdi ashýymyz múmkin, – dedi Qasym-Jomart Toqaev.

О́z kezeginde Iаkov Mılatovıch ekijaq­ty yntymaqtastyqtyń qarqyndy damyp kele jatqanyn atap ótti. Cherno­gorııa Prezıdenti jan-jaqty baılanysty odan ári nyǵaıtýǵa nıet bildirdi.

– Prezıdent myrza, men sizben kez­deskenime óte qýanyshtymyn. О́zińiz biletindeı, biz Qazaqstan men Chernogorııa arasyndaǵy dostyqty óte joǵary baǵa­laımyz. Osy kezdesýge menimen birge elimizdiń Premer-mınıstri de keldi. Ol Chernogorııany qazaqstandyq týrıs­ter úshin tartymdy etýge erekshe qyzyǵý­shylyq tanytady. Eki el arasyndaǵy tikeleı áýe reısiniń qyzmet kórsete bastaǵanyna óte qýanyshtymyz. Bizge Qazaqstannan týrısterdiń kóptep keletini qýantady, – dedi Iаkov Mılatovıch.

Sondaı-aq prezıdentter halyqaralyq kún tártibindegi máselelerdi jáne ta­rap­tardyń Birikken Ulttar Uıymy aıasyn­daǵy ózara yqpaldastyǵynyń jaı-kúıin talqylady.

Kezdesý sońynda Qasym-Jomart Toqaev pen Iаkov Mılatovıch bir-birin óz elderine resmı saparmen kelýge shaqyrdy.

 

Bolashaq kilti – «bultty» tehnologııada

Qasym-Jomart Toqaev «Amazon» korporasııasynyń vıse-prezıdenti Sıýzan Poıntermen kezdesti.

Álemdegi iri tehnologııalyq kompa­nııanyń ókilimen áńgimelesý barysynda «bultty» tehnologııalardy damytýǵa jáne data-ortalyqtar qurylysyna qatysty ózara tıimdi yntymaqtastyqtyń múmkindikteri talqylandy.

Prezıdent Qazaqstannyń elektrondy úkimet salasyndaǵy jetistikterine nazar aýdaryp, sıfrlyq salany odan ári jetildirý úshin elimizge óz sanatyndaǵy eń myqty ınfraqurylymdyq sheshimder qajet ekenin atap ótti.

Sıýzan Poınter kompanııanyń Qazaq­stanmen aradaǵy yqpaldastyqty nyǵaı­týǵa jáne keleshekte búkil Ortalyq Azııa aımaǵyn qamtýǵa nıetti ekenin jetkizdi.

Kezdesý aıasynda Qazaqstannyń Sıfrlyq damý, ınnovasııalar jáne aeroǵarysh ónerkásibi mınıstrligi («UAT» AQ) men «Amazon Web Services» arasynda «Outpost» «bult­ty» tehnologııa sheshimin satyp alý jáne ony «QazTech» platformasymen ın­tegra­sııalaý jónindegi qanatqaqty jobany iske qosý týraly kelisimge qol qoıyldy.

Bul qadam jahandyq alpaýyt elder­diń data-ortalyqtaryn Qazaqstanda orna­las­tyrýǵa jáne elimizdiń óńirlik IT-hab retindegi áleýetin iske asyrýǵa múmkindik beredi.

 

Negizdemelik kelisimge qol qoıyldy

Memleket basshysy «GE Healthcare» kompanııasynyń Eýropa, Taıaý Shyǵys jáne Afrıka boıynsha prezıdenti Rob Ýoltonmen kezdesti.

Kezdesý barysynda Qasym-Jomart Toqaevqa «GE Healthcare» kompa­nııasynyń elimizde ýltradybys apparattary óndirisiniń jergilikti úlesin arttyrý jáne aldaǵy ýaqytta kompıýterlik tomografııa, angıografııa jáne mammografııa qurylǵylaryn shyǵarý jospary týraly málimet berildi.

Prezıdent bul bastama otandyq dári-dármek pen medısınalyq tehnıka óndirisiniń úlesin 2025 jylǵa qaraı 50 paıyzǵa deıin arttyrý mindetine tolyqtaı saı keletinine nazar aýdardy.

Rob Ýolton Memleket basshysyna «GE Healthcare» kompanııasynyń Qazaq­standa klınıkalyq beınelerdiń orta­lyq­tandyrylǵan ulttyq sıfrlyq muraǵatyn qurýǵa nıetti ekenin jetkizdi. Bul shara naý­qas­tardyń málimetin basqarý isin oń­taı­lan­dyryp, nátıjesinde kórsetiletin qyz­met qunyn tómendetýge múmkindik beredi.

Sondaı-aq kompanııa Astana medı­sına­lyq ýnıversıteti bazasynda «GE Healthcare» akademııasyn ashý arqyly den­saý­lyq saqtaý júıesi mamandarynyń bilik­ti­ligin arttyrýǵa arnalǵan bilim berý ba­ǵd­ar­lamasyn júzege asyrady. Oqý orny bıyl qazan aıynda qyzmetine tolyq kirisedi.

Memleket basshysy Qazaqstannyń densaýlyq saqtaý salasyna qatysty mańyzdy jobalar boıynsha GE kompanııasymen strategııalyq seriktestikke joǵary baǵa berdi.

Kezdesý aıasynda Qazaqstan Res­pýb­­lıkasynyń Úkimeti men «GE Healthcare» arasynda «GE Healthcare» kompa­nııa­synyń ınvestısııalyq jobasyn júzege asyrý­ǵa qatysty negizgi sharttar týraly negizdemelik kelisimge qol qoıyldy.

Aıtpaqshy, «GE Healthsare» kompa­nııasynyń álemniń 140-tan asa elinde ókildigi bar. 2022 jyly kompanııanyń taza tabysy – 19 mıllıard dollar. Al naryqtaǵy quny 34,5 mıllıard dollardy qurady.