Astanada naýryzdyń alǵashqy kúnderi aýa raıy sýyq ári jeldi bolady. Sınoptıkterdiń boljamynsha, kúndiz nól gradýsqa deıin jylynǵanymen, túnde aıaz −10 °C-qa deıin qaıta kúsheımek, dep habarlaıdy Egemen.kz.
4-6 naýryzda aýa temperatýrasy kúndiz −2 °C shamasynda turaqtap, túnde −10 °C-qa deıin tómendeıdi. Beısenbi kúni jaýyn-shashyn bolýy múmkin.
7 naýryzda termometr baǵanalary 0 °C-qa deıin kóterilgenimen, qar jaýyp, turǵyndarǵa qolaısyzdyq týdyrýy yqtımal.
Qar, boran jáne kóktaıǵaq: Búgin elimizde aýa raıy qandaı bolady?
8 naýryz – Halyqaralyq áıelder kúninde aýa raıy qubylmaly bultty bolyp, kúndiz −2 °C, túnde −5 °C sýyq bolady dep kútiledi.
Elorda turǵyndary men qonaqtaryna aýa raıynyń qubylmaly minezine saı kıinip, jolda abaı bolý usynylady.