Reseılik bloger Ivan Chervınskıı Instagram paraqshasynda Qazaqstanǵa qalaı kelgenin, qazaq tilin qalaı úırengenin aıtty, dep habarlaıdy Egemen.kz.
Ivan Chervınskııdiń Qazaqstanǵa kelgenine 100 kún bolypty. Ol munda Qurban aıt merekesi kezinde festıvalge qatysý úshin shaqyrtylǵan. Sol sátte festıval tehnıkalyq sebepterge baılanysty ótpeı qalyp, ol osynda til úırený úshin qalǵan.
«Qazaq tilinde tildesý klýbyna qatystym. Kúndelikti onlaın rejımde sabaq oqyp, úı tapsyrmalaryn oryndap júrdim. Sondaı-aq djıý-djıtsýdan qazaq tilindegi jattyǵýlarǵa baryp turamyn. Munda qazaq jáne orys tilderin birge bilip ómir súrý yńǵaıly. Barlyǵy meniń bilmegen tusymdy aıtyp, kómek qolyn sozýǵa ázir turady», dedi ol.
Ivan Chervınskıı qazaq tilinde habarlar júrgizgisi keletinin de jetkizdi. О́z balalarynyń da qazaq tilin bilgenin qalaıdy.
Osy jyly 27 sáýirde Memleket basshysy Qasym-Jomart Toqaev reseılik blogerdi Qazaqstan halqy Assambleıasynyń sessııasynda Alǵys hatpen marapattaǵan bolatyn.