Ońtústik Koreıanyń Jumyspen qamtý jáne eńbek mınıstrligi men polısııasy 47 jastaǵy Qazaqstan azamatynyń ólimine qatysty tergeýdi bastady, dep habarlaıdy Egemen.kz.
Polısııanyń málimetinshe, qaıǵyly jaǵdaı 21 qyrkúıek kúni tańǵy saǵat 8:25 shamasynda bolǵan. Qazaqstan azamaty syrlaý jumystary júrgizilgeli jatqan turǵyn úı kesheniniń tóbesine qorǵanys tirekterin ornatý kezinde 18-qabattan qulap ketti.
Qulap ketken azamat birden aýrýhanaǵa jetkizilgenimen, dárigerler onyń qaza bolǵanyn aıtty.
Sondaı-aq ol zańsyz jumys istegen bolýy múmkin. Sondyqtan jumys berýshi jazaǵa tartylmaıtyny anyqtaldy.
Qazirgi ýaqytta eńbek mınıstrligi eńbek qaýipsizdiginiń buzylǵan-buzylmaǵanyn anyqtap jatyr, al polısııa qyzmetkerleri jumys ornynda kisi óltirý faktisi bolǵan-bolmaǵanyn tekserip jatyr.