Qytaıdyń Hanchjoý qalasynda ótip jatqan Azııa oıyndarynyń 24 qyrkúıektegi jarys nátıjesin Týrızm jáne sport mınıstrliginiń baspasóz qyzmeti jarııalady, dep habarlaıdy Egemen.kz.
Dzıýdodan Abıba Abýjaqynova 48 kelige deıingi salmaq dárejesinde kúmis, al Maǵjan Shamshadın 60 kelige deıingi salmaqta qolaǵa qol jetkizdi.
Qazirgi bessaıystan Elena Potapenko men Georgıı Boroda-Dýdochkın jekeleı jarys qorytyndysy boıynsha olımpıadalyq joldama ıelendi.
Sporttyq gımnastıkadan Narıman Qurbanov at ústinde jattyǵý boıynsha fınalǵa shyqty.
Bokstan Ertýǵan Zeınollınov 63,5 kelige deıingi salmaq dárejesinde 1/16 fınalǵa ótti.
Shahmattan Jansaıa Ábdimálik pen Bıbisara Asaýbaeva áıelder shahmat týrnıriniń alǵashqy eki týrynda jeńiske jetti. Erler arasynda Qazybek Nógerbektiń esebinde eki jeńis, Rınat Jumabaevtyń enshisinde bir jeńis bar.
Gandboldan áıelder quramasy toptyq kezeńde Taıland quramasyn 44:20 esebimen utty.
Tennısten Beıbit Jýkaev jekeleı saıystyń ekinshi raýndynda Tájikstan sportshysy Fırýz Mýhıdınovty jeńdi - 6:0, 6:0. Bizdiń eki komanda erler arasyndaǵy juptyq saıystyń ekinshi kezeńine ótti.
Jaǵajaı voleıbolynan N.Aldash/K.Gýrın jáne S.Bogatý/D.Iаkovlev juptary erler arasyndaǵy shırek fınalǵa ótti.