QR Mádenıet jáne aqparat mınıstrligi «Jyl volonteri» halyqaralyq syılyǵyna konkýrs ótkizedi, dep habarlaıdy Egemen.kz mınıstrliktiń baspasóz qyzmetine silteme jasap.
«Jyl volonteri» halyqaralyq syılyǵy – áleýmettik jáne qoǵamdyq paıdaly mindetterdi sheshýge eleýli úles qosqan otandyq jáne halyqaralyq volonterler men volonterlik toptardy, volonterlik uıymdardy kótermeleýge jáne yntalandyrýǵa, sondaı-aq volonterlik qozǵalysty damytýǵa jáne qoldaýǵa baǵyttalǵan.
Vedomstvonyń málimetinshe, syılyq 15 baǵyt boıynsha beriledi.Sondaı-aq qujattardy qabyldaý 2023 jylǵy 25 qyrkúıek pen 14 qazan aralyǵynda júzege asyrylady.Konkýrsqa qatysý úshin ótinimder qazvolunteer@mail.kz elektrondyq mekenjaı boıynsha qabyldanady.
«Jyl volonteri» halyqaralyq syılyǵyn berý erejeleri týraly tolyǵyraq www.adilet.kz saıtynan bile alasyzdar.