Soltústik Qazaqstan oblysy Tótenshe jaǵdaılar departamentiniń málimetinshe, 25 qyrkúıekte saǵat 21:35-te Petropavlda Volochaevskaıa kóshesi, 113 mekenjaıy boıynsha órt sóndirýshilerge habar túsken, dep jazady Egemen.kz.
Oqıǵa ornyna órt sóndirýshiler bes mınýtta jetken. О́rtengen aǵash úıden 20-daǵy boıjetken men 5 jáne 1 jastaǵy balalardyń máıiti tabylǵan.
19 sharshy metr aýmaqty sharpyǵan órtti sóndirýge 15 adam men 3 tehnıka jumyldyrylǵan.
Oqıǵa ornyna oblys ákimi Ǵaýez Nurmuhambetov, SQO TJD bastyǵy Erik Sarybaev, SQO PD bastyǵy Aıdyn Qabduldınov bardy.
Qaza tapqandardyń otbasyna járdem jasalady. О́rttiń shyǵý sebebin mamandar anyqtap jatyr.