Shyǵys Qazaqstanda Eńbek kúni keń kólemde atalyp ótti. «Ertis konsert» zalynda ótken marapattaý rásimine oblys ákimi Ermek Kósherbaev qatysyp, eńbegi sińgen azamattarǵa alǵysyn aıtty.
Eńbek kúni qyrkúıektiń sońǵy jeksenbisinde jyl saıyn atalyp ótip keledi. Búgin de barlyq eńbek ardageri marapattalyp, aımaq basshysy Ermek Bedelbaıuly Eńbek jáne halyqty áleýmettik qorǵaý mınıstrligi atynan «Eńbek ardageri» medalin toǵyz adamǵa tabys etti.
– Elimizde jumysshy mártebesin arttyrý maqsatynda eńbek adamy ıdeıasyn nasıhattap, olarǵa jan-jaqty qoldaý kórsetýge erekshe kóńil bólinip jatyr. Memleket basshysy Qasym-Jomart Toqaev atap ótkendeı, naǵyz eńbek adamy – ol istiń adamy. Iаǵnı ár isine, ár qadamyna jaýapkershilikpen qaraıtyn adal azamat. Bereke-birlik pen qajyrly eńbektiń arqasynda memleketimizdi damytyp, halyqtyń jaǵdaıyn jaqsartamyz. Oblystaǵy túrli salada jumys istep, kásibı maman atanǵan eńbek adamdaryna alǵys aıtamyn. Qarapaıym jumysshylar qaýymyna degen qurmetimiz árdaıym joǵary, – dedi oblys ákimi E.Kósherbaev.
Saltanatty is-shara aıasynda aldyńǵy qatardan oryn alǵan eńbekkerler sahnaǵa shaqyryldy. «Kúrshim orman sharýashylyǵy» ormanshysy Orazǵalı Baqtııarov, traktorıst-mashınıst Pavel Tregýb, agronom Vladımır Larıonov, ROST JShS júrgizýshisi Aleksandr Kolesnıkov, «Tereze» JShS bas ınjeneri Qazybaı Qadyrbekov syndy azamattar «Eńbek ardageri» medalin ıelendi.
Jyl saıyn Eńbek kúnin atap ótý qarsańynda otbasylar óńir atynan respýblıkalyq konkýrsqa qatysyp otyrady. Bul rette «Eńbek joly» dep atalatyn baıqaýǵa Aýshınovter áýleti qatysyp, júldeli ekinshi orynǵa ıe bolǵan. Sonymen qatar «Úzdik eńbek dınastııasy» atalymynda osy áýlet top jaryp, kópshilik quttyqtaýyna ıe boldy.
– Mamandyǵym alǵashqy áskerı daıyndyq pániniń muǵalimi bolǵanymen, metallýrg bolyp qyzmet ettim. Qazir Rıdder qalasyndaǵy taý-ken metallýrgııa kesheninde jumys isteımin. Shamamen 13 jyldaı boldy. Áýletimizdegi alǵashqy metallýrg – atam Málik Aýshınov. Anamnyń naǵashy aǵalary da osy jolmen júrip, óz kezinde túrli marapattarǵa ıe boldy. Sonaý 1973 jyldan búginge deıin alyp qarasaq, áýletimizdiń eńbek ótilin qosqanda 181 jylǵa jetedi, – dedi Rınat Erboluly.
«О́ndiris salasynyń úzdik jas mamany» atalymy boıynsha sahnaǵa birinshi bolyp Daryn Shaǵymanov shaqyryldy. Budan soń tońazytqysh jumysshysy Gúljanat Jumadilqyzy, Rıdderdegi «Stal Teh Snab» JShS-da tokar bolyp isteıtin Mádı Ahmetov sekildi eńbegimen elengen azamattar marapatqa ıe boldy.
Is-sharanyń resmı bóliginen soń eńbekkerler án tyńdap, qulaq quryshyn qandyrdy. Abaı Qaıyrbek, Janat Bısembaev, Arnıka Baıbýsynova, Botagóz Jumabekova «Otan» ánin shyrqap, «Turan» folklorly ansambli men «Altaı» halyq bı ansambli «Qarajorǵa» bıin tartý etti. Sońynda «Ertis konsert» shyǵarmashylyq ujymy Eskendir Hasanǵalıevtiń «Atameken» ánin shyrqap, kópshiliktiń qurmetine ıe boldy.
Shyǵys Qazaqstan oblysy