Senat Tóraǵasy Máýlen Áshimbaev «Innoprom» halyqaralyq ónerkásiptik kórmesine bardy, dep habarlaıdy Egemen.kz joǵarǵy palatanyń baspasóz qyzmetine silteme jasap.
Astana qalasyndaǵy Halyqaralyq kórme ortalyǵynda ótip jatqan is-shara Qazaqstanda alǵash ret uıymdastyryldy. Halyqaralyq kórmege 2019 jyldan beri turaqty túrde qatysady.
«Innoprom» kórmesiniń negizgi maqsattary – ónerkásiptik kooperasııany damytý, ınvestısııa tartý, saýda yntymaqtastyǵyn keńeıtý jáne tájirıbe almasý. Bıylǵy is-shara jańa kezeńdegi ónerkásiptik strategııa baǵytyn qamtydy. Kórmege EAEO elderinen 300-den astam kásiporyn men kompanııa ónimderin usyndy.
Máýlen Áshimbaev kórmede metallýrgııa, mashına jasaý, hımııa jáne jeńil ónerkásip, qurylys ındýstrııasy, sondaı-aq, farmasevtıka salalarynda óndirilgen taýarlarmen tanysty.
« Bizdiń elimiz ónerkásip salasynda EAEO-daǵy seriktesterimen birge 38 birlesken jobany iske asyrdy. Tyńǵylyqty óńdeý, barynsha lokalızasııa, jańa ónimder óndirý jáne eksporttyq áleýet kooperasııanyń basty basymdyqtary ekenin atap ótken jón. Memleket basshysy Qasym-Jomart Toqaevtyń eldiń ónerkásiptik úlgisin qalyptastyrý jáne Joldaýda aıtylǵan joǵary qaıta bólý klasterlerin qurý jónindegi tapsyrmalary aıasynda mundaı tásildiń mańyzy artyp otyr», delingen habarlamada.
Aıta ketsek, byltyr Qazaqstan osy halyqaralyq kórmege seriktes el retinde qatysqan edi.