Dintanýshy, teolog, psıholog, Astana qalasyndaǵy «Yryskeldi qajy» meshitiniń bas ımamy Nurlan qajy Baıjigituly Májilis depýtaty Rınat Zaıytovtyń pikirine jaýap berdi, dep habarlaıdy Egemen.kz.
Instagram jelisinde ótken tikeleı efır barysynda oqyrmandardyń biri «Rınat Zaıytovtyń pikirine qandaı ýáj aıtasyz?» degen suraq qoıdy.
«Rınat baýyrymyzdyń aıtqan pikirine kózqarasymdy kúnde suraıdy. Búgingi efırde núkte qoıyp, doǵarsaq deımin. Rınat – Qudaıyn tanıtyn, Alla jolynan bezinbegen adam. Allaǵa senetin, júreginde Jaratqany bar azamat dep bilemin. Jala jappas buryn sol suhbatty tereńdeı túsinip, tolyqqandy kórip shyqqan lázim. Rınattyń ne aıtqysy kelgenin arydan ańǵarý kerek. О́mirde keńinen oılaǵan adam esh ýaqytta kem bolmaıdy. Dindi qorǵaımyz dep bulaı baıbalam salyp, dúrligýdiń qajeti joq. Alla Taǵala óziniń asyl dinin ózi-aq qorǵap, qorshaı alady. Dindi jiberip, Qurandy túsirgen Jaratýshy ıe ózi qorǵan bolady. Sóz qýyp, bále izdeýshiler odan da óziniń otbasyn, qara basyn qorǵap alýy kerek. Rınattyń suhbatynda «alaıaqtardyń 80 paıyzy namaz oqıtyndar» degeni sál artyqtaý bolar. Ol osy pikiriniń ar jaǵynda bizdiń ulttyq qundylyǵymyzǵa, salt-dástúrimizge, ádet-ǵurpymyzǵa qarsy shyǵýdy kózdeıtin salafılik aǵymdaǵylardan keler qaýipti aıtqysy keldi dep oılaımyn. Sony túsingenderińiz abzal. Qazaqtyń balasy birin-biri talap, aıaqqa taptap, aǵat basqanyn ańdyp otyrǵannan abyroı tappaımyz», dedi Nurlan Asanov.