Keshe Syrtqy ister mınıstrliginde jýrnalısterge arnalǵan dástúrli brıfıng ótti. Onda atalǵan vedomstvonyń resmı ókili Asqar Abdrahmanov 8 maýsymda Ystambulda ótetin Azııadaǵy ózara yqpaldastyq jáne senim sharalary jónindegi keńes sammıti jóninde áńgimeledi. Onyń aıtýynsha, Azııa keńesi sammıtiniń Qazaqstannan tys jerde ótýi jáne keńeske tóraǵalyq etý mindetin bir memleketten ekinshige, ıaǵnı Qazaqstannan Túrkııaǵa tapsyrylýy atalmysh halyqaralyq birlestiktiń tarıhynda alǵash ret oryn alatyn jaǵdaı bolmaq.
Al 9-13 maýsym aralyǵynda Qazaqstanǵa Fınlıandııanyń syrtqy saıası jáne ekonomıkalyq múddelerin alǵa qoıatyn “Paasıkıvı” qoǵamynyń 28 múshesinen quralǵan delegasııa kelmek eken. “Atalmysh qoǵam Almatyda ótetin Prezıdent janyndaǵy Qazaqstannyń strategııalyq zertteýler ınstıtýtymen birlesip uıymdastyratyn dóńgelek ústelde ózekti halyqaralyq máselelerdi talqylaıtyn bolady”, dedi resmı ókil. Sonymen qatar, bul sapar aıasynda “Paasıkıvı” qoǵamy qazaqstandyq áriptestermen halyqaralyq qatynastar, jahandyq ekonomıka jáne energetıkalyq qaýipsizdik máselelerin áńgime ózegine aınaldyrmaq.
Brıfıng barysynda Qazaqstannyń Memlekettik hatshysy – Syrtqy ister mınıstri Qanat Saýdabaevtyń 9-10 maýsym kúnderine kózdelgen Danııaǵa resmı sapary jóninde de aıtyldy. Bul otandyq syrtqy saıası vedomstvosy basshysynyń ekijaqty qarym-qatynas tarıhyndaǵy Danııaǵa alǵash resmı sapary sanalady. Qanat Saýdabaev óz sapary aıasynda Danııa Premer-mınıstriniń orynbasary – syrtqy ister mınıstri Lene Espersenmen kezdesý ótkizbek. Onda qos memleket arasyndaǵy saýda-ekonomıkalyq jáne ınvestısııalyq yntymaqtastyqtyń keleshegi talqylanady. Halyqaralyq saıasattaǵy ózekti máseleler jóninde pikir almasady.
A.Abdrahmanov brıfıng kezinde 10-11 maýsym kúnderi Kopengagende Qazaqstanyń Eýropadaǵy qaýipsizdik jáne yntymaqtastyq uıymyna tóraǵalyq etýimen, Danııa Koroldigi jáne Demokratııalyq ınstıtýttar men adam quqyqtary jónindegi bıýronyń uıymdastyrýymen “Eýropadaǵy qaýipsizdik jáne yntymaqtastyq uıymy Kopengagen qujatynyń 20 jyldyǵy: mártebesi men keleshegi” taqyrybynda konferensııa ótetindigi jóninde aıtyp ótti.
Al dál osy kúnderi Qazaqstan Prezıdenti Nursultan Nazarbaev Tashkentte ótetin Shanhaı yntymaqtastyq uıymyna múshe memleketter keńesine qatyspaq. Bul sammıt barysynda álemde jáne aımaqta oryn alyp jatqan máselelerge baılanysty pikir almasylady dep kózdelýde. Keńes qorytyndysynda sammıttiń deklarasııasyna, uıymnyń birqatar qujattaryn bekitý týraly kelisimderge, Rásimder erejesine jáne uıymǵa jańa múshelerdi qabyldaý erejesine qol qoıylmaq. “Tashkent sammıtinen keıin ShYU-ǵa tóraǵalyq etý mindeti bir jyldyq merzimge Qazaqstanǵa tapsyrylady. Al kelesi jyly Astanada ótetin ShYU-nyń kezekti sammıti atalǵan uıymnyń 10 jyldyǵyna arnalady”, dedi. A.Abdrahmanov.
Brıfıng sońynda resmı ókil 11-12 maýsym kúnderi Qazaqstan basshysy N.Nazarbaevtyń arnaıy shaqyrýymen elimizge Qytaı Halyq Respýblıkasynyń Tóraǵasy Hý Szıntaonyń resmı saparmen keletindigin aıtty. Ekijaqty kelissózder barysynda Memleket basshylary Qazaqstan-Qytaı qarym-qatynasynyń qazirgi jaǵdaıy men keleshegin, halyqaralyq jáne aımaqtyq ahýaldyń ózekti máselelerin talqy tarazysyna salmaq.
Láıla EDILQYZY.