Búgin Qazaqstan aýmaǵynyń basym bóliginde aýa raıy jaýyn-shashynsyz bolady, tek ońtústikte, ońtústik-shyǵysta, shyǵysta, respýblıka ortalyǵynda jaýyn-shashyn bolady, dep habarlaıdy Egemen.kz «Qazgıdromet» RMK-ǵa silteme jasap.
Respýblıkanyń barlyq aýmaǵynda tuman kútiledi, ońtústikte, ońtústik-shyǵysta kúndiz el ortalyǵynda ekpindi jel soǵady, kúndiz ortalyqta burshaq jaýýy múmkin.
Túnde Aqmolanyń soltústiginde, shyǵysynda, Qostanaıdyń soltústiginde, Batys Qazaqstan, Pavlodar, Soltústik Qazaqstan oblystarynyń ońtústik-shyǵysynda, Abaı oblysynyń batysynda túnde 1-2 gradýs aıaz kútiledi.
Túrkistanda, ortalyqta, shyǵysta, Qyzylorda oblystarynyń ońtústiginde óte joǵary órt qaýpi saqtalady.
Jambyl, Qaraǵandy oblysynyń ońtústigi men Ulytaý oblysynda, Mańǵystaý oblysynyń soltústik-batysynda, ońtústiginde jáne ortalyǵynda joǵary órt qaýpi kútiledi.