Onlaın saqtandyrý – ońtaıly tásil

2017 jyly mindetti saqtandyrý túr­le­ri boıynsha elektrondyq sharttarǵa kóshý týraly talap zańnamalyq túrde engizildi. 2019 jyldyń 1 qańtarynan bastap onlaın-saqtandyrýdy iske qosý bastaldy. Búgingi tańda saqtandyrýdyń min­detti túrleri boıynsha barlyq shart­tar­dyń 100%-y elektrondyq formada jasalady.

 «Halyq pen bıznes ónimderdi keń­sege barmaı-aq, qashyqtan satyp ala alady, saqtandyrý qyzmetteriniń geogra­fııa­lyq turǵydan qoljetimdiligine baılanysty másele joıyldy. Mindetti avtosaqtandyrý – saqtandyrýdyń eń kóp taraǵan jáne eń tanymal túri. Saq­tandyrýdyń osy túri boıyn­sha sıfr­lyq júıelik servıster bú­gingi kúni Qazaq­stannyń barlyq avto­kólik ıelerine tanys. Búginde avtosaq­tan­dyrý sharttaryn qashyqtan jasasý táý­lik boıy júzege asyrylady. Saq­tan­dyrý shartyn jasasý kezinde júrgizýshiniń derekteri  Ádilet, Ishki ister mınıstrlikteriniń, MDQB derekqorlarynan avtomatty túrde tartylady», dedi M.Hadjıeva.

Saqtandyrý syıaqysy BSDQ-da esepteledi jáne tólem onlaın tólemder arqyly, ıaǵnı bank kartochkalarynan júzege asyrylady. Avtokólik ıesine qaǵaz qujattardy ózimen birge alyp jú­rý­diń qajeti joq, óıtkeni jol polı­seıleri avtokólikti toqtatpaı, saqtan­dyrýdy onlaın rejiminde tekserýge múmkindik alady.

Qashyqtan qyzmet kórsetýdiń bas­ty artyqshylyǵy halyqty mindetti avto­saq­tandyrýmen qamtýdy arttyrý boldy. Sońǵy 3 jylda mindetti avtosaqtandyrý boıynsha syıaqy jınaý 58%-ǵa ósti. Mindetti avto­saq­tan­dyrýdy damytýmen qatar KASKO dep atalatyn erikti avto­saq­tan­dyrý da damýda.

«О́tken jyldyń qorytyndysy boıynsha KASKO syıaqylary da 2 esege ulǵaıdy jáne biz, eń aldy­men, erikti avtosaqtandyrýdyń mun­­daı ósýi avtonesıeleý jónindegi mem­le­­kettik baǵdarlamalardyń iske qosy­lýymen baılanysty dep esep­teımiz. Sıfrlandyrýdyń kelesi damýy­na keletin bolsaq, munda saqtandyrý jaǵdaılaryn qashyqtan retteýdi atap kórsetý qajet. О́tken jyly 12 shildede Memleket basshysy saqtandyrý sektoryn damytý má­seleleri jónindegi Zańǵa qol qoıdy. Osy Zańmen 2024 jyldyń 1 qań­ta­ry­nan bastap saqtandyrýdyń bar­lyq mindetti túrleri boıynsha saq­tan­­dy­rý jaǵdaılaryn onlaın retteý engi­zi­le­di», dedi spıker.

Bul degenimiz – saqtandyrý uıymdary tarapynan klıentterge tolyq qashyqtan qyzmet kórsetýge kóshý. Saqtandyrý tólemin alý týraly shart jasalǵan sátten bastap saqtandyrý qyzmetin kórsetýdiń barlyq úderisi avtomattandyrylatyn bolady.

Búgingi tańda Qazaqstanda ulttyq saqtandyrý naryǵynyń tolyqqandy ınfraqurylymy qalyptasty. Úzdik halyqaralyq tájirıbe men retteý standarttaryn belsendi engizý júrip jatyr. Zańnamalyq bazany jaqsartý men jetildirý jáne saqtandyrýdyń jańa túrlerin damytý básekeli saqtandyrý naryǵyn qalyptastyrý úshin jaǵdaı jasaıdy.

Saqtandyrý sektorynda táýekelderdi azaıtý maqsatynda Qazaqstan Respýb­lı­ka­synyń Zańymen qarjy uıymdaryn táýekelge baǵyttalǵan qadaǵalaý uǵymy engizildi. Bul saqtandyrý salasyndaǵy uıymdardyń qyzmetindegi táýekelder men kemshilikterdi ýaqtyly anyqtaýǵa jáne boldyrmaýǵa múmkindik beredi.Olardyń qarjylyq turaqtylyǵyn qamtamasyz etý úshin erte aralasý jáne ýaqtyly qadaǵalaý is-qımyldaryn qabyldaý múmkindigin qamtamasyz etedi, bul naryqty odan ári damytý úshin qajetti jaǵdaılar jasaıdy. Onlaın-saqtandyrý tetigin engizý «Sıfrly Qazaq­stan» memlekettik baǵdarlamasy sheńberinde qoıylǵan mindetterge de tolyq sáıkes keledi.