Memleket basshysy Qasym-Jomart Toqaevtyń tapsyrmasyna sáıkes Qazaqstan Respýblıkasy Aýǵanstanǵa gýmanıtarlyq kómek kórsetedi. Atalǵan másele Úkimettik komıssııanyń otyrysynda talqylandy, dep habarlaıdy Egemen.kz.
Úkimettiń baspasóz qyzmeti habarlaǵandaı, azyq-túlik taýarlary, shatyrlar, dári-dármekter, kıim-keshek jáne basqa da qajetti zattardan turatyn gýmanıtarlyq kómek taqaý kúnderi áýe jáne temirjol kóligimen jóneltiletin bolady.
Sonymen qosa Aýǵanstanǵa úıindiler astynda qalǵan adamdardy qutqarý úshin TJM qutqarýshylary, sonyń ishinde kınolog mamandar jiberilmek.
Qazaqstan 7 qazanda Gerat provınsııasynda bolǵan joıqyn jer silkinisteriniń saldaryn joıý maqsatynda Aýǵanstanǵa qoldaý kórsetedi.