Imam, qajy Qabylbek Álipbaıulynyń áleýmettik jelide taraǵan «sheshe dep balasyn qaraýsyz tastap ketken áıeldi aıtady» degen pikirine qatysty Qazaqstan musylmandary Dinı basqarmasynyń tóraǵasy, bas múftı Naýryzbaı qajy Taǵanuly óziniń ýájin aıtty, dep habarlaıdy Egemen.kz.
«Biz qaı kezde de áke-sheshe degen qasıetti uǵymdy qasterlep, qurmet tutqan elmiz. Ol azamattyń aıtqan sózi jeke óz oıy bolar. Biraq Qazaqstan mumsylmandary dinı basqarmasy, biz sheshe men ana uǵymyn qadir tutyp, qasıet sanaımyz. Biz ony keńinen nasıhattap kelemiz. Ana, sheshe adamdy jaryq dúnıege ákelgen eń ardaqtysy. Bir adamnyń pikirin mýftııattyń pikiri dep tańýǵa bolmaıdy. Qazaqtyń kez kelgen qundylyǵy biz úshin qasıetti sanalady. Qazaqstan musylmandary Dinı basqarmasy únemi ýaǵyzdarymyzda áke men sheshege qatysty aıtamyz, jazyp ta júrmiz», dedi N.Taǵanuly.