Qazaqstan musylmandary Dinı basqarmasynyń tóraǵasy, Bas múftı Naýryzbaı qajy Taǵanuly «Dombyra tartý haram ba?» degen suraqqa jaýap berip, qoǵamda qyzý talqylanǵan daýly máseleniń núktesin qoıdy, dep jazady Egemen.kz.
Otandyq BAQ tilshileri QMDB tóraǵasynan «Dombyra tartý nemese mýzyka tyńdaý ıslamda haram sanala ma?» degen suraqtyń jaýabyn aldy.
«QMDB buǵan deıin de bul másele tóńireginde túsinikteme bergen edi. Búgin Beıbitshilik jáne kelisim saraıynda paıǵambarymyzdyń qurmetine birneshe is-shara ótkizilip, onda dombyra jáne basqa ulttyq mýzykalyq aspaptar tartyldy. Bul haram emes», dedi Naýryzbaı qajy Taǵanuly Beıbitshilik jáne kelisim saraıy kýlýarynda.