HIH jazǵy Azııa oıyndary dodasynda top jarǵan armııa sportshylarynyń qatysýymen ótken saltanatty sharada Qorǵanys mınıstriniń orynbasary general-leıtenant Sultan Qamaletdınov sportshylardy quttyqtap, el jetistigine qosqan kórnekti úlesteri úshin alǵys aıtty, dep habarlaıdy Egemen.kz.
Azıada dodasy boıynsha Qazaqstan Qarýly Kúshteriniń 11 ókili – eki altyn, eki kúmis, 7 qola oljalaǵan.
Vedomstvo málimeti boıynsha 11 sportshyny atap aıtsaq, Ortalyq sport klýbynyń áskerı qyzmetshisi Ásem Orynbaı stendtik atý jarysynda «altyn», komandalyq MIH jattyǵýynda – «altyn» jáne jekeleı jarysta «qola» enshiledi.
Ásker sportshylary arasynan – grek-rım kúresinen Álimhan Syzdyqov pen áıelder kúresinen Jámıla Baqbergenova kúmis júldelerge qol jetkizgen edi.
Pnevmatıkalyq myltyqtan atýdan Islam Sátbaev, taekvondodan Jansel Denız, ýshý-sandadan Aıan Tursyn, dzıýdodan Abylaıhan Jubanazar, grek-rım kúresinen Meıirjan Shermahanbet jáne baıdarka jáne kanoe esý jarystarynda Kırıll Týbaev qola medaldarmen enshilegen edi.
Azıadanyń chempıondary men júldegerleri Qorǵanys mınıstri atynan gramotalarmen, alǵys hattarmen, estelik syılyqtarmen marapattaldy. Sportta joǵary jetistikteri úshin armııa sportshysy Ásem Orynbaıǵa «El qorǵany» vedomstvolyq medali tabystaldy.