Qytaı Halyq Respýblıkasyna resmı saparmen barǵan Memleket basshysy Qasym-Jomart Toqaev QHR Tóraǵasy Sı Szınpınmen júrgizgen kelissóz barysynda eki eldiń strategııalyq seriktestikke negizdelgen qatynas qarqyndy damyp kele jatqanyn aıtty, dep habarlaıdy Egemen.kz Aqordanyń baspasóz qyzmetine súıenip.
«Biz barlyq baǵyt boıynsha tıimdi memleketaralyq yqpaldastyqty jolǵa qoıdyq. Sizdiń byltyr qyrkúıek aıynda Qazaqstanǵa jasaǵan memlekettik saparyńyz ózara baılanystardyń barynsha nyǵaıýyna tyń serpin berdi. Sapar aıasynda elderimiz arasyndaǵy yntymaqtastyqtyń jańa «altyn 30 jyldyǵy» bastaldy. Memleketterimiz arasyndaǵy saýda-sattyq tabysty damyp keledi. Aıtarlyqtaı ósim bar. Investısııanyń jalpy kólemi 21 mıllıard dollar bolatyn 52 birlesken joba júzege asyrylyp jatyr. 2024 jyl Qytaıda Qazaqstan týrızmi jyly bolyp jarııalandy. Bul osy sala úshin mol múmkindikterge jol ashady. О́zara mádenı-gýmanıtarlyq baılanystar úshin qolaıly jaǵdaı jasalyp jatyr. Memleketaralyq qarym-qatynastardy múldem jańa deńgeıge shyǵarý úshin Qazaqstannyń da, Qytaıdyń da orasan zor áleýeti bar dep sanaımyn», dedi Q.Toqaev.
Prezıdent QHR Tóraǵasy Sı Szınpındi kelesi jyly elimizge memlekettik saparmen kelýge shaqyrdy.