QR Eńbek jáne halyqty áleýmettik qorǵaý mınıstrligi merekelik tizimge taǵy eki mereke kúnin engizýdi usynyp otyr, dep habarlaıdy Egemen.kz.
Buıryq jobasy «Ashyq NQA» portalynda jarııalandy.
«Kásibı merekeler tizbesi «Qazaqstan Respýblıkasynyń Azamattyq avıasııa qyzmetkerleri kúni – 1 aqpan»; «Burǵylaýshy kúni – qarashanyń úshinshi senbisi» tarmaqtarymen tolyqtyrylsyn», delingen qujatta.
Jobanyń negizdemesinde kórsetilgendeı, 1991 jyldyń 1 aqpanynda Almaty áýejaıynda Qazaqstanda alǵash ret avıasııalyq qaýipsizdik qyzmeti qurylǵan. Búginde bul salada 3 myńnan astam maman qyzmet etedi.
Osylaısha jańartylǵan tizimge sáıkes eldegi kásibı merekelerdiń jalpy sany 53 bolmaq.