Ortalyq saılaý komıssııasynyń múshesi Shavhat О́temisov qanatqaqty rejimde aýdandar men oblystyq mańyzy bar qalalardyń ákimderin saılaýǵa daıyndyǵyn tekserý maqsatynda Batys Qazaqstan oblysyna bardy.
О́ńirdiń Qaratóbe, Bókeıordasy jáne Tasqala aýdandary ákimderiniń tikeleı saılaýyna daıyndyǵymen tanysqan OSK ókili aýmaqtyq saılaý komıssııalarynyń múshelerine ádistemelik jáne tájirıbelik kómek kórsetti.
Aýdandardaǵy keńesterde jergilikti atqarýshy, prokýratýra organdarynyń, polısııa bóliminiń, jumyspen qamtý jáne áleýmettik baǵdarlamalar bóliminiń jáne aýdandyq aýmaqtyq saılaý komıssııalarynyń esepteri tyńdaldy.
Ýchaskelik saılaý komıssııalary músheleriniń biliktiligin arttyrý maqsatynda saılaý úderisiniń quqyqtyq negizderine oqytý, aýdan ákimderiniń saılaýyn daıyndaý jáne ótkizý kezinde saılaý komıssııalarynyń jumysyn uıymdastyrý máseleleri keńinen sóz boldy. Saılaý kúni ýchaskelik saılaý komıssııalarynyń jumysyna baılanysty tájirıbelik jaǵdaılar da taldandy.
Oqytý semınary barysynda OSK múshesi Shavhat О́temisov azamattardyń konstıtýsııalyq quqyqtaryn saqtaýda eshqandaı kedergi bolmaýǵa tıis ekenin atap ótip, saılaý ýchaskelerin ınfraqurylymdyq qamtamasyz etý, onyń ishinde elektr qýatynyń, telefon jáne ınternet qosylymynyń rezervti kózderimen qamtamasyz etý bóliginde sapaly daıyndyq jumysyn júrgizýdi tapsyrdy. Ol sondaı-aq saılaý ýchaskelerinde erekshe qajettilikteri bar adamdar úshin jaǵdaı jasaýdyń mańyzdylyǵyn atap ótti.
Sondaı-aq OSK ókili aldaǵy saılaý naýqanyna qatysatyn barlyq aýyldaǵy saılaý ýchaskeleriniń daıyndyǵyn tekserip, saılaý komıssııalary músheleriniń ózekti suraqtaryna jaýap berdi.