Bas prokýrordyń birinshi orynbasary Tımýr Táshimbaev tóraǵalyǵymen Ishki ister mınıstrliginiń basshylary, oblystardyń prokýrorlary jáne Polısııa departamentteri bastyqtarynyń qatysýymen adam óltirýdi tergeý jáne ashý suraqtary boıynsha vedomstvoaralyq jedel keńesi ótkizildi, dep habarlaıdy Egemen.kz
Tımýr Táshimbaev qasaqana adam óltirý qylmysy tómendegeni baıqalǵanyn atap ótti.
- Bıylǵy 9 aıda adam óltirý faktileri 27,3% tómendegen (578-den 420-ǵa deıin), al osyndaı qylmystardyń ashylýy 94%-ǵa joǵarylaǵan. Dese de qasaqana adam óltirýdiń sebepteri birqatar máselege, onyń ishinde profılaktıkanyń álsizdigine tikeleı baılanysty. Adam óltirýdi tergep-tekserýdiń sapasy jáne qylmyskerler úshin sózsiz jazanyń bolýy da mańyzdy máseleler bolyp tabylady, - delingen Bas prokýratýra taratqan málimette.
Jedel keńestiń sheshimimen polısııa organdarynyń basshylary men oblys prokýrorlaryna atalǵan baǵytta, onyń ishinde «ótken jyldary» adam óltirý qylmystaryn ashý, jasyrynǵan qylmyskerlerdi, joǵalǵan azamattar men basqalardy izdestirý jónindegi jumysty jandandyrý tapsyryldy.