Elordada «Meniń elim – meniń týym!» chellendji aıasynda qala turǵyndary 1000-nan astam tý ildi, dep habarlaıdy Egemen.kz elorda ákimdiginiń baspasóz qyzmetine silteme jasap.
Respýblıka kúnin merekeleý qarsańynda elorda turǵyndary «Meniń elim – meniń týym!» chellendjin ótkizdi. Astananyń 5 aýdanynda terezeler men balkondarǵa jáne kóshe boıyna 1000-nan astam tý ilindi. «Astana jastary» eriktileri memlekettik rámizdi dáripteý boıynsha alǵashqylardyń biri bolyp úlken aksııany bastady.
«Eriktilerdiń aıtýynsha, patrıottyq shara jyl saıyn ótkiziledi. Bul tek bezendirilgen úılerdiń turǵyndarynyń ǵana emes, elorda kóshelerimen ótip bara jatqan adamdardy da qýanyshqa bóleıdi. Astanalyqtar bul bastamany qyzý qoldap, aksııaǵa qosyldy» delingen habarlamada.
Aksııa áli de jalǵasyp, bas qalada ilingen týdyń sany artyp jatyr.