Qobyzshy qazaq qyzy Láılá Tájibaeva Respýblıka kúnine erekshe syılyq jasady, dep jazady Egemen.kz.
Qobyzshy qyz beınejazbada: «Biz parashıýtpen sekirip qobyzda oınaý arqyly Gınnestiń rekordtar kitabyna engimiz keledi. Bul jańa tájirıbe. Meniń oıymsha, parashıýtpen sekirip kórgen adamǵa bári ońaı bolyp kórinedi», dedi.
Beınejazbadan jelbiregen kók baıraǵymyzdy da baıqaýǵa bolady.
Láılá Tájibaeva kókte qalyqtap kele jatyp Yqylas Dúkenulynyń «Jez kıik» kúıin oryndaǵan. Qobyzshy qyzǵa súısingen jeli qoldanýshylary onyń áreketine «óte tamasha syı» dep baǵa berdi.