2024 jylǵy 1 qańtardan bastap Qazaqstanda eńbekke qabilettilikten jáne asyraýshysynan aıyrylý jaǵdaılary boıynsha áleýmettik tólemder mólsheri artady. Tıisti qaýlyǵa Premer-mınıstr Álıhan Smaıylov qol qoıdy.
Atap aıtqanda, qujatta 2024 jyldyń 1 qańtarynan bastap Memlekettik áleýmettik saqtandyrý qorynan eńbekke qabilettilikten jáne asyraýshysynan aıyrylý jaǵdaılary boıynsha taǵaıyndalǵan áleýmettik tólemderdi 7%-ǵa arttyrý kózdelgen.
Atalǵan qarajat eńbekke qabilettilikti joǵaltqan 87 myńǵa jýyq adamdy jáne asyraýshysynan aıyrylǵan 59 myń otbasyn qamtıdy. Bul maqsattarǵa qosymsha 5 mlrd teńgeden astam qarajat jumsalady.
Esterińizge sala keteıik, Áleýmettik kodekske sáıkes Úkimet eńbekke qabilettilikten jáne asyraýshysynan aıyrylý jaǵdaılary boıynsha tólemderdiń mólsherin jyl saıyn arttyryp otyrady.