Respýblıka kúni qarsańynda Qazaqstan Respýblıkasynyń Ál-Farabı atyndaǵy ǵylym men tehnıka salasyndaǵy 2023 jylǵy memlekettik syılyǵynyń laýreattary belgili boldy, dep habarlaıdy Egemen.kz.
Prezıdent Qasym-Jomart Toqaevtyń Jarlyǵymen bıylǵy Memlekettik syılyq «Qazaqstan Respýblıkasynyń atom-energetıka salasyn qurýǵa jáne kómirtegi beıtaraptyǵyna qol jetkizý strategııasyn iske asyrýǵa arnalǵan álemdik deńgeıdegi zertteýler men ázirlemeler» jumysy úshin Erlan Batyrbekovtiń jetekshiligimen Qazaqstan Respýblıkasy Ulttyq ıadrolyq ortalyǵynyń avtorlar ujymyna berildi. Atalǵan syılyq ǵylym men tehnıka salasyndaǵy asa úzdik jetistikteri úshin eki jylda bir ret beriledi.
Budan buryn habarlaǵanymyzdaı, búgin Prezıdent Jarlyǵymen «Qazaqstannyń halyq jazýshysy» atanǵan qalamgerlerdiń jáne «Qazaqstannyń halyq ártisi» ataǵyn ıelengen óner, mádenıet qaıratkerleriniń esimi jarııalandy.
Sonymen qatar úsh adamǵa «Qazaqstannyń Eńbek Eri» ataǵy berilgenin de habarlaǵanbyz.