Respýblıka kúni merekesine oraı Qazaqstannyń eńbek sińirgen ártisi dástúrli ánshi Ramazan Stamǵazıevke Memleket basshysynyń Jarlyǵymen Qazaqstannyń halyq ártisi ataǵy berildi, dep habarlaıdy Egemen.kz Aqordanyń baspasóz qyzmetine silteme jasap.
Ramazan О́miráliuly «Qazaqkonsert» óner birlestiginde, Qurmanǵazy atyndaǵy Qazaq ulttyq konservatorııasynda, Respýblıkalyq estrada-sırk kolledjinde oqytýshy boldy. Búginde T.Júrgenov atyndaǵy Qazaq ulttyq óner akademııasynyń «Dástúrli án mýzykasy» kafedrasynyń meńgerýshisi qyzmetin atqarady. Almaty oblysy, Raıymbek aýdanynyń Qurmetti azamaty.