Astana qalasy Esil aýdanynyń prokýratýrasy bıýdjet jáne memlekettik satyp alý zań normalarynyń saqtalýyna taldaý júrgizdi, dep habarlaıdy Egemen.kz Bas prokýratýraǵa silteme jasap.
«Qalalyq sport mektepteriniń biri memlekettik satyp alý portaly arqyly basqa zańdy tulǵanyń balansynda turǵan «Astana Bike» júıesine arnalǵan velosıpedterdi satyp alý úshin zańsyz konkýrs jarııalaǵan.
Joǵaryda atalǵan áreket Bıýdjet kodeksiniń 4-babynyń 9-tarmaqshasyna qaıshy keledi jáne jarǵymen bekitilgen mektep qyzmetiniń túrlerine sáıkes kelmeıdi», delingen málimette.
Prokýratýranyń qadaǵalaý aktisimen 178 mln teńgege zańsyz satyp alý joıylyp, kináli laýazymdy tulǵalar jaýapkershilikke tartyldy.