Kostenko shahtasynda zardap shekken kenshiler em alýyn jalǵastyryp jatyr. Mandandyrylǵan medısınalyq toptar olardyń jaǵdaıyn jaqsartý úshin qoldan kelgenniń bárin jasap jatyr. Eki pasıentti jaqyn arada úıine shyǵarýǵa daıyndap jatyr, dep habarlaıdy Egemen.kz Qaraǵandy oblysynyń baspasóz qyzmetine silteme jasap.
Qaraǵandy oblysynyń stasıonarlarynda qazir 24 pasıent em qabyldap jatyr. Barlyq zardap shekkenderdiń gemodınamıkalyq kórsetkishteri turaqty, jaǵdaıdyń nasharlaýy baıqalmaıdy.
«Prof. H. J. Maqajanov atyndaǵy kópsalaly aýrýhana» ShJQ KMK toksıkologııa bóliminde jeńil jáne ortasha aýyrlyqtaǵy ýytty gazdarmen ýlaný dıagnozymen 20 pasıent jatyr, olar detoksıkasııa terapııasyn jáne sımptomatıkalyq em alyp jatyr.
Bir pasıent túrli jaraqattarmen reanımasııa jáne qarqyndy terapııa bóliminde, jaǵdaıy turaqty.
Taǵy bir zardap shekken kenshi travmatologııa bóliminde sol jaq pnevmotoraks dıagnozymen em alýda, jaǵdaıy ortasha aýyr, turaqty.
Eki kenshi «Shahtınsk qalasynyń ortalyq aýrýhanasy» KMK terapııa bóliminde ýly gazdarmen ýlanǵan, jaǵdaıy ortasha aýyrlyq dárejesine jaqyn.
Qabyldaý-dıagnostıkalyq bólimsheler deńgeıinde zardap shekkender tekserilip, ambýlatorııalyq emdeýge jiberildi. Barlyq pasıentterge qajetti dıagnostıkalyq tekserýler men manıpýlıasııalar júrgizildi, medısınalyq kómek kórsetý úshin barlyq beıindi qyzmetter tartyldy, Qazaqstan Respýblıkasy Densaýlyq saqtaý mınıstrliginiń respýblıkalyq mamandarymen – Travmatologııa jáne ortopedııa jáne neırohırýrgııa ǵylymı ortalyqtarymen konsýltasııalar ótkizildi, sondaı-aq oblystyq qajetti mamandar tartyldy.
Aıta ketý kerek, apat ornynda psıhologııalyq kómek kórsetý jáne úılestirý aıasynda 16 psıholog jumys istep jatyr. Sonymen qatar qosymsha erteń OKJ-dan zardap shekkender men olardyń týystaryna qoldaý kórsetý jáne kómek kórsetý úshin mamandar barady.