Saǵat 20.00-degi jaǵdaı boıynsha 45 kenshiniń denesi tabyldy, 1 kenshini izdeý jalǵasyp jatyr. Bul týraly TJM baspasóz qyzmeti habarlady, dep jazady Egemen.kz.
Jumystar bir-birinen shamamen 6 km qashyqtyqta ornalasqan eki óndirý ýchaskesi aýdanynda júrgizilip jatyr. Kenshiler ornalasýy múmkin yqtımal ýchaskelerge taý-ken qutqarýshylarynyń ótýiniń barlyq múmkin joldary pysyqtalyp jatyr.Apattyń boljamdy epısentrin tekserý úshin TJ mınıstri Syrym Sháriphanov shahtaǵa tústi.
Tekserý barysynda órt pen jarylystyń áserine ushyraǵan qazbalar qaraldy, onda:
- shahta jabdyǵynyń buzylýy jáne jyljýy;- metall-arkaly bekitý elementterindegi shań shógindileri;- jeldetý qurylystarynyń zaqymdanýy anyqtaldy.
Kózge kórinetin janý oshaqtary joq, gaz jaǵdaıy qalypty. Sonymen qatar Syrym Sháriphanov apatty tergeý jónindegi Úkimettik komıssııa múshelerimen otyrys ótkizdi. Jumystardy jan-jaqty qamtamasyz etý TJ mınıstriniń jeke baqylaýynda.