«Qazgıdromet» RMK 31 qazanǵa arnalǵan aýa raıy boljamyn jarııalady. Sınoptıkter boljamyna sáıkes, búgin elimizdiń basym bóliginde jaýyn jaýady, dep habarlaıdy Egemen.kz.
Elimizdiń basym bóliginde Atlantıkalyq sıklonnyń jáne onymen baılanysty atmosferalyq fronttardyń yqpalyna baılanysty aýa raıy qubylmaly bolady.
«Respýblıkanyń basym bóliginde jaýyn (jańbyr, qar) jaýyp, kóktaıǵaq kútiledi. Túnde Qazaqstannyń ortalyǵynda (jańbyr, qar), ońtústik-shyǵysta, taýly aýdandarda (jańbyr, qar), kúndiz ońtústikte qatty jańbyr jaýady. Qazaqstan boıynsha tuman túsip, jel kúsheıýi yqtımal, soltústik-batysta jel turyp, jaıaý burqasyn soǵady», delingen habarlamada.