Áleýmettik jeliler men messendjerlerde «Mıttaldyń ashyq áńgimesi» dep atalǵan habarlama tarady. Mátinde bul Arcelor Mittal metallýrgııalyq kompanııasynyń ortaq ıelenýshisiniń jýrnalıstpen «áńgimelesýinen úzindi» dep jazylǵan. AMT baspasóz qyzmeti bul aqparatty joqqa shyǵardy, dep habarlaıdy Egemen.kz stopfake.kz saıtyna silteme jasap.
«Taralǵan habarlama shyndyqqa janaspaıdy», dep habarlady kompanııanyń baspasóz qyzmetinen.
Jeliden izdegende «áńgimelesýden úzindi» áleýmettik jelilerde post túrinde ǵana shyqqany anyqtaldy. Basqa derekkózderde – resmı saıttarda nemese buqaralyq aqparat quraldarynda Lakshmı Mıttaldyń osy nemese Qaraǵandyda Kostenko atyndaǵy shahtada bolǵan qaıǵyly oqıǵadan keıin bergen basqa suhbattary týraly jazylmaǵan.