2021 jyly júrgizilgen halyq sanaǵynyń qorytyndysy boıynsha elimizde meken etetin etnostar sany – 124, dep habarlaıdy Egemen.kz Ulttyq statıstıka bıýrosyna silteme jasap.
Olardyń arasynda lıvter, vepsiler, orochtar, dolgandar, danııalyqtar, ýdegeıler, sahýrlar, mansylar, nanaılar, mońǵoldar, selkýpter, chýkchalar, ýlta, nıvhter, ıjorlar, ketter, korıaktar, qyrymshaqtar, nganasandar, saamdar, chývan syndy etnos ókilderi bar. Elimizde júrgizilgen sońǵy sanaqtyń saýalnamasyna ultyn kórsetpeý degen jaýap nusqasy da engizilgen bolatyn. Sonyń negizinde sanaqqa qatysyp, saýalnama toltyrǵandardyń arasynda 24,8 myń adam óziniń ultyn jazýdan bas tartqan. «Basqa ult» degen jaýapty tańdaǵandardyń qatary 47,5 myń adamǵa jetken, 2009 jylǵy sanaq kezinde tek 8 adam ǵana osy jaýapty belgilegen bolatyn.