JAŃA MÚMKINDIKTER JASTAR ENShISINDE

“Nur Otan” HDP Aqtóbe oblysynyń jasotandyqtary kótergen “Aýyldyń gúldenýi – Qazaqstannyń gúldenýi” ak­sııa­sy bizdiń elimizdiń barlyq aı­maq­tarynda keńinen qoldaý ta­býda. Myńdaǵan jas qazaq­stan­dyqtar eldi mekenderdi, ásirese, aýyldardy kórkeıtý, áleýmettik nysandar salý jáne olardy jón­deý jónindegi óz qurdas­ta­ry­nyń úndeýin joǵary qulshynys­pen qoldady. 7 maýsymda “Aýyldyń gúl­denýi – Qazaqstannyń gúldenýi” aksııasy Meńdiqara aýdanynda bolyp ótti. Bul sharaǵa “Nur Otan” partııasy Tóraǵasynyń bi­rinshi orynbasary Nurlan Nyǵmatýlın qatysty. Ol Bo­rov­skoı aýylynyń ortalyq má­denıet jáne demalys baǵynda A.Baıtursynov atyndaǵy Qosta­naı memlekettik ýnıversıteti, Z.Aldamjar atyndaǵy Qostanaı áleýmettik-tehnıkalyq ýnıver­sı­teti, Qostanaı pedagogıka ıns­tıtýty, Qostanaı pedkolledj stýdentterimen júzdesti. Olar munda korttardy, stadıondardy jáne olardyń aýmaqtaryn jóndeýge, tazartýǵa kelgen bolatyn. Al oblys boıynsha aksııa sheńberinde barlyǵy 268-ge jýyq nysandy abattandyrý josparlanyp otyr eken. Bularǵa 20 myń jas qatysady. Osy kúni Nurlan Nyǵmatý­lın Rýdnyı qalasyndaǵy Sokolov-Sarybaı ken-baıytý óndiristik birlestiginiń metal­l­prokat zaýy­tynda boldy. Jyl­dyq jalpy qýaty 75 myń tonna metall prokatyn shyǵaratyn bul zaýytty ústimizdegi jyldyń shil­de aıynda iske qosý kózdelip otyr. Sondaı-aq, Sarybaı keni­shinde boldy. Nurlan Nyǵma­tý­lın: “Nur Otan­nyń” par­tııa­lyq baqylaý toptary búginde asa mańyzdy degen, eń aldymen, ındýstrııalyq-ınnova­sııalyq ba­ǵyttaǵy nysan­darda jumys isteıdi”, dedi. Dámer ÁBISh, jýrnalıst – arnaıy “Egemen Qazaqstan” úshin. Qostanaı oblysy.