Túrkistan oblysynda zańsyz kóshi-qon uıymdastyrǵan er adam ustaldy, onyń úıinen 30 О́zbekstan azamaty tabyldy, dep habarlaıdy Egemen.kz.
Túrkistan oblysy polısııa departamenti bastyǵynyń orynbasary Qurmanbek Sahovtyń málimetinshe, jedel-izdestirý jáne arnaıy is-sharalar kezinde polıseıler О́zbekstan Respýblıkasynyń azamattaryna memlekettik shekara arqyly zańsyz kirý jáne shyǵý úshin syıaqyǵa qyzmet kórsetken jergilikti turǵyndy anyqtady.
«Júrgizilgen arnaıy operasııanyń nátıjesinde jedel ýákilder kúdiktini shekaradan kedergisiz ótý boıynsha qyzmet kórsetkeni úshin 130 000 teńge aqshalaı qarajat alǵan sátinde qolǵa túsirdi. Sondaı-aq, tintý kezinde 2,5 mıllıon teńgege jýyq aqsha, 2 uıaly telefon men qujattardy tárkiledi», dedi ol.
Polısııa qyzmetkerleri turǵynnyń jazdyq úıin tekserý kezinde, elde bolý merzimin buzyp júrgen О́zbekstannyń 30 azamatyn tapty. Ustalǵan er adam olarǵa О́zbekstanǵa kedergisiz shyǵýǵa kepildik bergen.
Qazirgi ýaqytta osy derekter boıynsha Qylmystyq kodekstiń 394-baby 1-bóligi (Zańsyz kóshi-qondy uıymdastyrý) negizinde sotqa deıingi tergeý jumystary júrgizilip jatyr.
Kúdikti qamaýǵa alyndy. Oqıǵanyń mán-jaıy anyqtalyp jatyr.