Júk kóligi júrgizýshisiniń qazasy týraly Astanadaǵy Nursultan Nazarbaev halyqaralyq áýejaıynyń baspasóz qyzmeti málimdedi, dep habarlaıdy Egemen.kz.
«2 qarashada dárigerler feldsherlik pýnkt arqyly perronǵa shaqyryldy, sebebi olar júrgizýshini jumys ornynda júk tıeıtin kólik salonynda es-tússiz kúıde tapqan. Reanımasııalyq sharalardan keıin júrgizýshiniń bıologııalyq ólimi anyqtaldy», - dedi áýejaıdyń PR qyzmetiniń jetekshisi Toıgúl Jubanısova.
Qaladan polısııa qyzmetkerleri kelip, jedel-tekserý sharalaryn júrgizdi, sodan keıin máıit «Nursultan Nazarbaev halyqaralyq áýejaıy» AQ medısınalyq ortalyǵynan jedel járdem kóligimen Astana qalasynyń sot-medısınalyq saraptama ortalyǵyna jiberildi.
Júrgizýshi 2023 jyldyń qazan aıynda medısınalyq tekserýden ótkeni málim boldy. Tańerteńgi aýysym aldyndaǵy mindetti medısınalyq tekserýden ótken, densaýlyǵyna shaǵymdar bolǵan joq.
Astana halyqaralyq áýejaıy marqumnyń otbasyna tıisti áleýmettik kómek kórsetetinin aıtty.