Aqyn Shandor Petófıdiń esimimen atalǵan kósheniń saltanatty ashylý rásimi Vengrııa premer-mınıstri Vıktor Orbannyń Qazaqstanǵa resmı sapary aıasynda ótti, dep habarlaıdy Egemen.kz Astana ákimdiginiń resmı saıtyna silteme jasap.
Jıynǵa Vengrııanyń syrtqy ekonomıkalyq baılanystar jáne syrtqy ister mınıstri Pıter Sıııarto, Qazaqstan Syrtqy ister mınıstri Murat Nurtileý jáne elorda turǵyndary qatysty.
«Bıyl Qazaqstanda ataqty vengr aqyn Shandor Petófıdiń 200 jyldyǵy atap ótildi, al búgin biz onyń qurmetine elimizdiń bas qalasynda kóshe ashý úshin bas qosyp otyrmyz. Bul ortaq tarıhı tamyry bar eki halyq arasyndaǵy dostyqtyń taǵy bir belgisi», dep atap ótti Murat Nurtileý.
О́z kezeginde sóz alǵan Pıter Sıııarto eki el arasyndaǵy kóp jylǵy yntymaqtastyq odan ári nyǵaıa beretinin aıtty.
«Qazaqstan men Vengrııa – mádenıeti baı jáne tarıhı erekshelikteri uqsas elder. Sondyqtan bizdiń yntymaqtastyǵymyz birinshi kezekte ózara túsinistikke negizdelgen. Mundaı senimdi qarym-qatynas eki el úshin de damý jolynda jaqsy qoldaý bolyp sanalady», dedi ol.
Ol sondaı-aq aqynnyń 1000-nan astam shyǵarmasynan turatyn Shandor Petófıdiń jınaǵy qazaq tilinde jarııalanatynyn erekshe atap ótti.
Shandor Petófı – vengr halqynyń ulttyq poezııasynyń eń kórnekti ókili jáne 1848-1849 jyldardaǵy revolıýsııanyń belsendi qaıratkerleriniń biri bolǵan.