Áleýmettik jelide jolda jatqan kilem beınelengen fotosýret tarap júr. Anyqtalǵandaı, Almaty turǵyndary joldaǵy shuńqyrdy kilemmen jaýyp, máseleni óz betinshe sheshpek bolǵan, dep habarlaıdy Egemen.kz.
Qala ákimdiginiń baspasóz qyzmeti Aıbergenov kóshesindegi shuńqyrǵa qatysty shaǵym 31 qazanda túskenin aıtty.
Al bul kilemdi jergilikti turǵyndar tósep qoıǵan eken.
«1 qarashada aǵymdaǵy jóndeý jumystary aıasynda turǵyndardyń ótinishi qaraldy. Dálirek aıtqanda, asfalt jabyndysyn tóseý jumystary júrgizildi», delingen Almaty ákimdigi taratqan habarlamada.
Ákimdik ókilderi Naýryzbaı aýdanyna qatysty aryz-shaǵymdardy ákimdiktiń Instagram-daǵy paraqshasyna jazýǵa (@akimat_nauryzbai_audany) nemese +7 700 308 7020 nómirine qońyraý shalýǵa bolatynyn qosa habarlady.