Tanymal ánshi Dımash Qudaıbergenniń anasy Sveta Aıtbaeva jas kelinderge aıqyl-keńesin aıtty, dep habarlaıdy Egemen.kz.
Onyń paıymynsha, kelinder otbasynyń jaqsylyǵyn asyryp, jamandyǵyn jasyrýy kerek.
Tipti, ol shańyraqty shaıqaltpaı, otbasyndaǵy aýyzbirshilikti qalaı saqtap qalýǵa bolatynyn túsindirdi.
Cveta Aıtbaeva osy taqyryptaǵy oıyn «Jaqsy adamdarym» baǵdarlamasynda jetkizdi.
"Bizdiń qatarlastyrymyzda renjisý, eki jaqqa ketip qalý, ajyrasý, tórkinine qaıtyp ketý degen sııaqty jaıttar bolmaǵan eken. Meniń oıymsha, qazirgi jas kelinderge qajet dúnıe, «bas jarylsa, bórik ishinde» deıdi ǵoı. Otbasyndaǵy, oshaq qasyndaǵy áńgimeni syrt jaqqa tasymaý kerek. Er azamatyn aǵaıyn-týysyna, tórkinine, qaıyn jurtyna jamandap aıtpaý kerek. Sol kezde ǵana otbasynda bereke, tynyshtyq, keremet birlik bolady dep sanaımyn", dedi ánshiniń anasy.
Ol qazirgi jańa túsken kelinder analaryna jıi habarlasyp, kóp shaǵym aıtyp jatatynyn atap ótti.
"О́kinishke qaraı, mundaı keleńsiz jaıttar kóptep kezdesedi. Osydan qashyq bolý kerek. Bir ottyń basyna kelgen soń, sol kishigirim otanyńnyń birligin saqtaý úshin túk bildirmeı, jamanyn jasyryp, jaqsysyn asyryp, bir tútindi túzý tútetip otyrý kerek dep oılaımyn", dedi Dımashtyń anasy.